ထိုင်း- မြန်မာနယ်စပ် မဲဆောက်မြို့ မဲ့တောင်းလမ်းရှိ PANTHONG MANUFACTURING Co. LID. သိုးမွေးအထည်ချုပ်စက်ရုံမှ အလုပ်သမား (၃၂၆) ဦးသည် ယင်းသို့ လစာမရသည့်အတွက် စားဝတ်နေရေး ပြဿနာများ ကြုံတွေ့နေရသောကြောင့် ထိုင်းအလုပ်သမားအခွင့်အရေးကာကွယ်ရေးရုံးမှ ကူညီဖြေရှင်းပေးရန် တောင်းဆိုဆန္ဒပြခြင်းဖြစ်သည်။
ဆန္ဒပြသူအလုပ်သမား ကိုအောင်က “လစာမရတာ (၂) လရှိပြီ။ အလုပ်က နေ့တိုင်းဆင်းပြီး ပိုက်ဆံမရတော့ ရပ်တည်လို့ မရဘူး။ စက်ရုံက ထမင်းတမျိုးပဲပေးတယ်။ ဒါကြောင့် ပြီးခဲ့တဲ့ (၉) ရက်က စပြီးတော့ ဘယ်သူမှ အလုပ်မဆင်းတော့ဘူး။ သူဌေးကိုပဲစောင့်နေတယ်။ သူမလာတော့ ဒီနေ့မှာ ဆန္ဒလာပြတာဖြစ်တယ်”ဟု ပြောသည်။
အဆိုပါစက်ရုံတွင် (၁၀) နှစ်ခန့် လုပ်ကိုင်နေသူ အလုပ်သမတဦးကလည်း “အလုပ်လုပ်ပြီး လစာမရတော့ အလုပ်သမားတွေ ဒုက္ခရောက်ကြရတယ်။ စက်ရုံးနားက ဈေးဆိုင်တွေမှာ အကြွေးယူဖို့ကြတော့လည်း ဆိုင်တွေက မယုံလို့မပေးဘူး။ စက်ရုံးအနီးအနားမှာ အလေ့ကျ ပေါက်နေတဲ့ ကန်စွန်းရွက်တို့ ဘာတို့ ဒီလိုပဲ လိုက်ခူးစားရတယ်” ဟု ပြောသည်။
အလုပ်လုပ်ကိုင်ခွင့် လက်မှတ်ရှိသူများအနေဖြင့် မနက် (၈) နာရီမှ ည (၉) နာရီအထိ ဘတ် (၁၀၀) ခန့်သာရပြီး
ည (၁၁) နာရီအထိ အလုပ်လုပ်ရပါက အချိန်ပိုကြေး ဘတ် (၂၀) ပေးကြောင်း၊ အလုပ်လုပ်ကိုင်ခွင့်လက်မှတ် မရှိသူများကို တနေ့ဘတ် (၈၀) နှုန်းသာ ပေးကြောင်း ၎င်းက ပြောသည်။
မဲဆောက်အပါအ၀င် တာ့ခ်ခရိုင်အတွင်း ထိုင်းအလုပ်သမားဝန်ကြီးဌာနမှ သတ်မှတ်ထားသည့် အနည်းဆုံး တနေ့လုပ်အားခမှာ (၁၅၁) ဘတ်ဖြစ်ပြီး အချိန်ပိုကြေးမှာ (၁) နာရီလျှင် (၂၈) ဘတ် ဖြစ်သည်။
အဆိုပါစက်ရုံတွင် အလုပ်လုပ်ကိုင်ခွင့်လက်မှတ်ရှိသူ (၂၀၉) ဦးနှင့် လက်မှတ်မရှိသူ (၁၁၇) ဦး ရှိသည်။
ဆန္ဒပြအလုပ်သမားကိုယ်စားလှယ်များ၊ အလုပ်သမားအခွင့်အရေး ကာကွယ်ရေးရုံးမှ အရာရှိနှင့် စက်ရုံပိုင်ရှင်တို့ သုံးပွင့်ဆိုင် ဆွေးနွေးကြပြီး စက်ရုံပိုင်ရှင်က (၂၀) ရက်နေ့သို့ ရက်ချိန်းလိုက်ကာ ယင်းနေ့တွင် လစာပေးမည်ဟု ပြောဆိုကြောင်း၊ ဆန္ဒပြ အလုပ်သမားများကမူ ယင်းနေ့တွင် လစာမရရှိပါက ဥပဒေကြောင်းအရ စက်ရုံ ပိုင်ရှင်အား တရားစွဲရန် စီစဉ်မည်ဟု သိရှိရသည်။
source by : ခေတ်ပြိုင်
AddThis
လာလည်သူ အပေါင်း
ဒီကနေ့ လာလည်ကြသော ကျွန်တော် မိတ်ဆွေ
မြန်မာစာလုံးများ
ဇော်ဂျီ အသွင်းပြောင်း ဆော့စ်ဝဲလ်လေးပါ
 |
0 comments:
Post a Comment