RFA | မြန်မာနိုင်ငံမှာ အများလက်ခံနိုင်ပြီး စစ်မှန်တဲ့ဒီမိုကရေစီ ပေါ်ထွန်းလာရေးအတွက် ဂျပန်နိုင်ငံအနေနဲ့ မြန်မာစစ်အစိုးရကို တာဝန်ယူ တိုက်တွန်းသင့်တယ်ဆိုတဲ့ နိုင်ငံတကာမိသားစုရဲ့ တောင်းဆိုချက်ကို ဂျပန်အစိုးရက အလေးအနက်ထား စဉ်းစားနေပေမယ့် အနောက်အုပ်စုဝင်နိုင်ငံတွေလို မြန်မာနိုင်ငံကို ပိတ်ဆို့အရေးယူရေး ဆိုတဲ့မူဝါဒကိုတော့ လောလောဆယ်မှာ ကျင့်သုံးဖို့မရှိဘူးလို့ ဂျပန်နိုင်ငံခြားရေးဝန်ကြီးဌာန အဆင့်မြင့်အရာရှိတဦးက RFA ကို ပြောပါတယ်။
 ကုလသမဂ္ဂ အတွင်းရေးမှူးချုပ်က မြန်မာ့ နိုင်ငံရေးပြဿနာ ဖြေရှင်းရေးအတွက် အထူးကိုယ်စားလှယ်အဖြစ် ခန့်အပ်ထားသော မစ္စတာ အီဘရာဟင် ဂမ်ဘာရီ (ယာ)နှင့် ဂျပန် နိုင်ငံခြားရေးဝန်ကြီး ဟီရိုဖုမိ နာကာဆိုနေ (ဝဲ) တို့ကို တိုကျိုမြို့ နိုင်ငံခြားရေး ဝန်ကြီးဌာနတွင် ဖေဖော်ဝါရီ ၂ရက်နေ့က တွေ့ရပုံ ဖြစ်ပါသည်။ (Photo: AFP) |
မြန်မာနိုင်ငံမှာ ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ် အဖွဲ့ဝင်တွေရဲ့ ကားတန်းကို မြန်မာ စစ်အစိုးရ လိုလားသူတွေက ဒီပဲရင်းမှာ အကြမ်းဖက် တိုက်ခိုက်ခဲ့ပြီးနောက် ဂျပန်အစိုးရဟာ မြန်မာ စစ်အစိုးရကို ကြီးမားတဲ့ စီးပွားရေးအကူညီတွေ ရပ်ဆိုင်းထားခဲ့ပါတယ်။ ဒါပေမယ့် လူသားချင်းစာနာတဲ့ ရှုထောင့်က နေပြီး မြန်မာနိုင်ငံရဲ့ ကျန်းမာရေးကိစ္စတွေ ပညာရေးကိစ္စတွေမှာ ဆက်လက်ကူညီနေဆဲ ဖြစ်ပါတယ်။
ဂျပန်အစိုးရဟာ ဒေါ်အောင်ဆန်းစုကြည် လွတ်မြောက်ရေးကို လိုလားတယ်ဆိုပေမယ့် မြန်မာ အကျဉ်းထောင် တွေထဲမှာ နိုင်ငံရေး အကျဉ်းသား နှစ်ထောင်ကျော် ရှိနေတာနဲ့ ပတ်သက်လို့ မြန်မာစစ်အစိုးရကို ဖိအားပေး တောင်းဆိုတာမျိုး မရှိသေးတာ တွေ့ရပါတယ်။
source by : http://www.rfa.org/burmese/news/japan_policy_on_burma_different_from_western_countries-04102009144901.html
0 comments:
Post a Comment