VOA | ဇင်ဘာဘွေ နိုင်ငံမှာ နိုင်ငံရေး ပြိုင်ဘက်များ ဖြစ်ကြတဲ့ သမ္မတနဲ့ အတိုက်အခံတို့အကြား အာဏာ ခွဲဝေယူ ပြဿနာ ဖြေရှင်းလိုက်ပါပြီ။ ဥပဒေအရ လိုအပ်တဲ့အတိုင်း သမ္မတ ရောဘတ်မူကာဘေ က တိုင်ပေးတဲ့ အတိုင်းပဲ မော်ဂန်ချန်ကရိုင်း က ကျွန်ုပ် မော်ဂန် ရစ်ချက် ချန်ကရိုင်းသည် ဇင်ဘာဘွေ သမ္မတနိုင်ငံရဲ့ ၀န်ကြီးချုပ် အဖြစ် ကျမ်းသစ္စာ ကျိန်ဆိုပါသည်။ ဘုရားသခင် ကူညီတော်မူပါလို့ တိုင်တည် ပြောဆိုသွားတာပါ။
 |
ကျမ်းသစ္စာ ကျိန်ဆိုပွဲ ဖြစ်မြောက်အောင် စေ့စပ်ဆွေးနွေးရတာ အချိန်ကြာ ခက်ခဲကြောင်း သမ္မတ မူကာဘေ ကရော ၀န်ကြီးချုပ် ချန်ကရိုင်းကပါ အသိအမှတ်ပြု ပြောဆိုပါတယ်။ ဇင်ဘာဘွေမှာ ညီညွတ်ရေး အစိုးရ ဖွဲ့စည်းနိုင်ခဲ့တဲ့အတွက် အမေရိကန်နဲ့ ဗြိတိန် နိုင်ငံတို့က ကြိုဆိုလိုက်ကြပြီး ဒဏ်ခတ် အရေးယူမှု မလျော့ပေးဘဲ၊ ဖွင့်ဖြိုးမှု အထောက်အပံ့ မပေးသေးဘဲ အစိုးရသစ် ထိရောက်မှု ရှိမရှိ စောင့်ကြည့်ဦးမယ်လို့ အမေရိကန် နိုင်ငံခြားရေး ဌာနက ကြေညာပါတယ်။
ဇင်ဘာဘွေ အစိုးရ တရားဝင်မှု၊ စီးပွားရေး တိုးတက်မှု စတဲ့ အကဲစမ်းမှုများကို ၀န်ကြီးချုပ် ချန်ကရိုင်း ရင်ဆိုင် ရလိမ့်မယ်လို့ ဗြိတိသျှ နိုင်ငံခြားရေး ၀န်ကြီး ဒေးဗစ် မီလီဘန်း က ပြောဆိုပါတယ်။ ကုလသမဂ္ဂ အတွင်းရေးမှူးချုပ် ဘန်ကီမွန်းကတော့ ကြိုဆိုကြောင်း ကြေညာချက်တရပ် ထုတ်ပြန်ပါတယ်။
source by : http://www.voanews.com/burmese/2009-02-12-voa5.cfm
0 comments:
Post a Comment