ဖနိဒါ | ချင်းမိုင် (မဇ္ဈိမ)။ ။ ရန်ကုန်တိုင်း ဗိုလ်တထောင်မြို့နယ်ရှိ သစ္စာဂျာနယ်တိုက်သို့ မေလ ၂၅ ရက်နေ့ ညပိုင်းတွင် ရပ်ကွက်ကောင်စီ၊ ရဲနှင့် ထောက်လှမ်းရေး ပါဝင်သည့် ၁၀ ဦးခန့်က လာရောက်ရှာဖွေမှုများ ပြုလုပ်ခဲ့ကြောင်း သိရသည်။
ဒေါ်အောင်ဆန်းစုကြည်အား အင်းစိန်ထောင်တွင်း တရားရုံးထုတ်သည့် မေလ ၂၅ ရက်နေ့က ထောင်ရှေ့တွင် စောင့်ဆိုင်းနေသူများအား သစ္စာတိုက်မှ ဂျာနယ်ထုတ်လုပ်ရေး မန်နေဂျာက ဂျာနယ်များ ရောင်းချခဲ့ပြီး၊ ထိုနေ့ ည ၁၁ နာရီခန့်တွင် ယခုလို ရှာဖွေခံရခြင်း ဖြစ်သည်။
“အင်းစိန်ထောင်ရှေ့ ဒေါ်စုအမှု လာနားထောင်နေတဲ့ သူတွေကို ဂျာနယ်သွားရောင်းတယ်တဲ့။ ညကျ ရဲတွေ၊ ထောက်လှမ်းရေးတွေ ဂျာနယ်တိုက်ကို ရောက်လာပြီး ရှာတယ်” ဟု သစ္စာဂျာနယ်တိုက်နှင့် နီးစပ်သူ ဂျာနယ်အယ်ဒီတာတဦးက ပြောသည်။
သစ္စာဂျာနယ်တိုက်အား ဆက်သွယ်မေးမြန်းရာ တာဝန်ရှိသူတဦးက ရှာဖွေစစ်ဆေးခံရသည်မှာ ဟုတ်မှန်ကြောင်း ပြောဆိုသော်လည်း အသေးစိတ် ဖြေကြားရန် သူက ငြင်းဆိုသည်။
ထိုနေ့ညက ဂျာနယ်တိုက် ညအိပ်စောင့်သူ အဖမ်းခံခဲ့ရပြီး နောက်တရက်တွင် ပြန်လွှတ်ပေးခဲ့သည်။
ရောင်းချခဲ့သည့် သစ္စာဂျာနယ် မျက်နှာဖုံးတွင် လူထုစိန်ဝင်း ဆောင်းပါးတပုဒ် ပါရှိရာ နောက်တရက်တွင် တာဝန်ရှိသူအား စာပေစိစစ်ရေးရုံးမှ ခေါ်ယူကာ သတိပေးတားမြစ်မှု ရှိခဲ့ကြောင်းလည်း သိရသည်။
နီးစပ်သူ ဂျာနယ်အယ်ဒီတာက ''ပထမခွင့်ပြုထားတဲ့ မျက်နှာဖုံးနဲ့ မတူဘဲ၊ ပြင်ပြီးထုတ်လို့။ စာရေးဆရာ မောင်ဝံသ ဆောင်းပါး တင်ထားတာကို လူထုစိန်ဝင်းဆောင်းပါး တင်လိုက်လို့။ အဲဒီအတွက် သတိပေးခံရတာ။ နောင် မဖြစ်စေရဆိုပြီး လက်မှတ်ထိုးရတာ'' ဟု ပြောသည်။
လက်မှတ် ရေးထိုးခိုင်းသည်ဆိုသည့် ကိစ္စနှင့်ပတ်သက်၍ သစ္စာဂျာနယ် တာဝန်ရှိသူကို မေးမြန်းရာ သူက ဖြေဆိုနိုင်ခြင်း မရှိသေးကြောင်း ပြောသည်။
“အဲဒီအကြောင်းအရာနဲ့ ပတ်သက်ပြီးတော့ လောလောဆယ် ဖြေဆိုနိုင်ခြင်း မရှိသေးပါဘူး။ အဖမ်းခံရတဲ့ လူကလည်း ကျနော်တို့နဲ့အတူ ရှိနေပါတယ်” ဟု သူက ပြောသည်။
သစ္စာဂျာနယ်သည် ဆောင်းပါးများအား အဓိကထား ဖော်ပြနေရာ စာဖတ်ပရိသတ်များ လက်ခံအားပေးသည့် တန်းဝင်ဂျာနယ်တစောင် ဖြစ်သည်။
source by : မဇ္ဈိမ
AddThis
လာလည်သူ အပေါင်း
ဒီကနေ့ လာလည်ကြသော ကျွန်တော် မိတ်ဆွေ
မြန်မာစာလုံးများ
ဇော်ဂျီ အသွင်းပြောင်း ဆော့စ်ဝဲလ်လေးပါ
 |
0 comments:
Post a Comment