အာအက်ဖ်အေ | အမေရိကန်ပြည်ထောင်စုမှာ ရုပ်မြင်သံကြား ဇာတ်လမ်းတွဲတွေ ရိုက်ကူး ထုတ်လွှင့်နေတဲ့ NBC ရုပ်မြင်သံကြား သတင်းဌာနက လာမယ့် ဇွန်လ ၂၄ ရက်နေ့မှာ စတင်ပြသမယ့် The Philanthropist ပရဟိတ လုပ်ငန်းတွေကို စိတ်ဝင်စားတဲ့ ကမ္ဘာကျော် အမေရိကန် သူဌေးကြီး အကြောင်း ရုပ်မြင်သံကြား ဇာတ်လမ်းတွဲမှာ မြန်မာ့ဒီမိုကရေစီရေး လှုပ်ရှားမှုကို သူဌေးကြီးက ကူညီခဲ့တဲ့ ဇာတ်လမ်းပိုင်း ပါဝင်တယ်လို့ သိရပါတယ်။ နာမည်ကို The Philanthropist-Myanmar လို့ပေးထားပါတယ်။
 ရန်ကုန်မြို့ ဆင်ခြေဖုံးရပ်ကွက်တခုတွင် ဒေသခံရေလှူနေသူတဦးထံမှ ရေအတွက် တန်းစီနေကြသည့်ဒုက္ခသည် ကလေးများ (ဓာတ်ပုံ - အေပီ) |
သူဌေးကြီးဟာ စီးပွားရေး လုပ်ငန်းတွေကို အောင်မြင်အောင် လုပ်ကိုင်နိုင်သလို အများအကျိုးအတွက် သူပိုင်ဆိုင်တဲ့ ငွေတွေကို လှူဒါန်းလိုစိတ် အပြည့်ရှိသူ ဖြစ်ပါတယ်။ သူကိုယ်တိုင်လည်း အာဖရိကတိုက်နဲ့ အာရှတိုက်က ဆင်းရဲတဲ့နိုင်ငံတွေကို သွားရောက်ပြီး အာဏာပိုင်တွေရဲ့ အတားအဆီးတွေကို စွန်စွန်စားစား ကျော်ဖြတ် အကူအညီပေးပုံတွေကို ဇာတ်လမ်းဆင် ရိုက်ကူးထားတာပါ။
ဒီဇာတ်လမ်းတွဲကို ဒါရိုက်တာ အမြောက်အမြားနဲ့ ရိုက်ကူးထားတာဖြစ်ပြီး မြန်မာပြည်ဇာတ်လမ်းပိုင်းကို ဟောလီးဝုဒ်ဒါရိုက်တာ Ed Fraiman က တောင်အာဖရိကနိုင်ငံမှာ မြန်မာပြည်က ရှုခင်းပုံစံ ဆက်တင် တည်ဆောက်ပြီး ရိုက်ကူးခဲ့ပါတယ်။
ဒီ ရုပ်မြင်သံကြားဇာတ်လမ်းပိုင်း ရိုက်ကူးမှုနဲ့ ပတ်သက်ပြီး The Philanthropist -Myanmar ဇာတ်လမ်း အတွက် အကြံပေးပုဂ္ဂိုလ်အဖြစ် ဆောင်ရွက်ခဲ့တဲ့ တောင်အာဖရိကနိုင်ငံက ကိုမျိုးနိုင်ကို မအင်ကြင်းနိုင်က ဆက်သွယ် မေးမြန်း ထားပါတယ်။
အသံဖိုင် နားဆင်ရန်
0 comments:
Post a Comment