ပြည်သူ့ပြည်ချစ်ပါတီ ဒု-ဥက္ကဋ္ဌနှင့်အဖွဲ့ နအဖထံသွားရောက်ပူးပေါင်း

NEJ | ပြည်သူ့ပြည်ချစ်ပါတီ (ပီပီပီ) အဖွဲ့၏ ဒု-ဥက္ကဋ္ဌ ဦးအုန်းသော်သည် အဖွဲ့ဝင် (၂၀) နှင့်အတူ မြဝတီ တပ်စခန်းမှတဆင့် နအဖထံ သွားရောက်ခဲ့သည်ဟု အဖွဲ့၏ဥက္ကဋ္ဌ ဦးသန်းစိန်က ပြောသည်။

ပြီးခဲ့သည့် ကြာသပတေးနေ့က မဲဆောက်မှတဆင့် မြဝတီသို့ လက်နက်မဲ့သွားရောက်ခဲ့ခြင်းဖြစ်ပြီး ၎င်းတို့နှင့် အတူ အဖွဲ့၏ အထွေထွေ အတွင်းရေးမှူး ဗိုလ်မှူးအောင်မြင့်လည်း လိုက်ပါ သွားခဲ့သည်ဟု ဦးသန်းစိန်က ပြောသည်။

၎င်းက “ကျနော်တို့ကို နအဖကပွဲစားလွှတ်ပြီး လာစည်းရုံးတာကြာပြီ၊ ကျနော်တို့ လက်မခံဘူး။ အဲဒါကို ဒု-ဥက္ကဋ္ဌ ဦးအုန်းသော်က ကျနော်တို့ပါတီဝင် မဟုတ်တဲ့လူ (၂၀) လောက်ကို ခေါ်သွားပြီး အညံ့ခံတာဖြစ်တယ်။ ကိုအောင်မြင့် ကိုတော့ သူ့မိန်းမ မမြင့်နဲ့ ဦးအုန်းသော်တို့ တိုင်ပင်ပြီး ဆေးခန်းသွားပြရာကနေ အတင်းအဓမ္မ ခေါ်သွားတာဖြစ်တယ်။ အခုသွားတဲ့လူ (၂၀) ထဲက ကျနော်တို့ ပြည်သူ့ပြည်ချစ် ပါတီက ဦးအုန်းသော်နဲ့ ကိုအောင်မြင့် နှစ်ယောက်ပဲပါတယ်” ဟု ပြောသည်။

ပြည်သူ့ပြည်ချစ်ပါတီ၏ အထွေထွေအတွင်းရေးမှူးဖြစ်ပြီး မြန်မာပြည်ဒီမိုကရက်တစ်မဟာမိတ်အဖွဲ့ချုပ် (ဒီအေဘီ) တပ်ပေါင်းစု၏ တွဲဖက်အတွင်းရေးမှူး တာဝန်ယူထားသူ ဦးအောင်မြင့်သည် ကိုယ်တခြမ်း လေဖြတ် ထားသည့် အပြင် သွေးကြောပိတ်ရောဂါကြောင့် ခြေတဖက်ဖြတ်ထားရပြီး လမ်းမလျှောက်နိုင်ဘဲ ကျန်းမာရေး ချို့တဲ့ နေသူဖြစ်သည်။

ဦးအုန်းသော်မှာ ယခင်ကတည်းက ပြည်ချစ်ပါတီအဖွဲ့ဝင်တဦးဖြစ်ပြီး ၁၉၈၀ ပြည့်နှစ် မဆလ အစိုးရ လက်ထက် ကပေးသည့် လွတ်ငြိမ်းချမ်းသာခွင့်ဖြင့် မြန်မာနိုင်ငံသို့ပြန်ဝင်သွားသူဖြစ်ပြီး လွန်ခဲ့သည့် (၈) နှစ်ခန့်က လွတ်မြောက် နယ်မြေသို့ ပြန်လာကာ (ပီပီပီ) အဖွဲ့တွင် ဒု-ဥက္ကဋ္ဌအဖြစ် အရွေးခံရသူဖြစ်သည်။

ယခုဖြစ်ရပ်နှင့်ပတ်သက်၍ မြန်မာပြည်ဒီမိုကရက်တစ်မဟာမိတ်အဖွဲ့ချုပ် (ဒီအေဘီ) မှ တွဲဖက်အတွင်းရေးမှူး (၂) မိုင်းဘုန်းကျော်က “ကျနော်တို့အဖွဲ့အနေနဲ့ ဒီဖြစ်ရပ်ကို အသေးစိတ် စုံစမ်းတုန်းပဲ ရှိပါတယ်။ ဒါကြောင့် အဖွဲ့အနေနဲ့ လောလောဆယ် ဘာမှမှတ်ချက်ပေးဖို့ မရှိသေးဘူး” ဟု ခေတ်ပြိုင်သို့ပြောသည်။

ဦးအုန်းသော်နှင့်အဖွဲ့ကို မြန်မာအာဏာပိုင်များက လက်ခံထားသော်လည်း ၎င်းတို့အား မြ၀တီမြို့ပြင်တွင် ထားရှိကာ တဦးချင်းစီကို စစ်ကြောရေးဝင်နေသည်ဟု အာဏာပိုင်များနှင့်နီးစပ်သည့် မြ၀တီမြို့ခံတဦးက ပြောသည်။

စစ်တပ်၏ အာဏာသိမ်းခံရသည့် မြန်မာနိုင်ငံဝန်ကြီးချုပ်ဟောင်းဦးနုသည် ၁၉၆၉ ခု စက်တင်ဘာ (၂၇) ရက်တွင် ပါလီမန် ဒီမိုကရေစီ ပါတီ (ပီဒီပီ) ကို ထိုင်းနိုင်ငံ ဘန်ကောက်မြို့တွင် စတင်ဖွဲ့စည်းခဲ့ပြီး ထိုင်း-မြန်မာ နယ်စပ်တွင် တပ်အင်အား အလုံးအရင်းဖြင့် အခြေချကာ ထိုစဉ်က အာဏာသိမ်းစစ်အစိုးရကို တော်လှန် တိုက်ပွဲ ၀င်ခဲ့သည်။

ဦးနုမရှိတော့သည့်နောက်ပိုင်း ပီဒီပီ ပါတီကို ဖျက်သိမ်းကာ ပြည်သူ့ပြည်ချစ်ပါတီ (ပီပီပီ) ကို ၁၉၇၄ ခုနှစ်တွင် ပြန်လည်ဖွဲ့စည်းခဲ့ကာ ဥက္ကဋ္ဌမှာ ဗိုလ်လက်ျာဖြစ်ပြီး နောက်ပိုင်း ဦးသွင်၊ ဦးသန့်ဇင်တို့က အဆင့်ဆင့် ဆက်လက် ဆောင်ရွက်ခဲ့ကာ ၁၉၉၇ ခုနှစ်တွင် ပါတီဥက္ကဋ္ဌ အဖြစ် ဦးသန်းစိန်ကို ရွေးချယ်ခဲ့သည်မှာ ယနေ့ထိဖြစ်သည်။

source by : ခေတ်ပြိုင်