မေကျော် | ချင်းမိုင် (မဇ္ဈိမ)။ ။ ပဲခူးမြို့ရှိ တရုတ်နှင့် မြန်မာစစ်အစိုးရ ဖက်စပ်လုပ်ကိုင်နေသည့် ချင်စု အထပ်သား စက်ရုံ၌ လုပ်ငန်းချိန်အတွင်း လုပ်သားတဦး သေဆုံးခဲ့ရာ ကျန်ရစ်သူ မိသားစုမှာ လျော်ကြေး မရကြောင်း သိရသည်။
ပြီးခဲ့သည့်လ ၂၉ ရက်နေ့က ချင်စု အထပ်သားစက်ရုံမှ အထပ်သားခွဲစက် စက်ကိုင်လုပ်သား ၂၅ နှစ်အရွယ် ကိုငြိမ်းချမ်းမှာ အလုပ်ချိန်အတွင်း စက်ရုံမီးသတ်ကန်တွင် သေဆုံးခဲ့သည်။
ညပိုင်း တာဝန်ချိန်အတွင်း သေဆုံးခြင်းဖြစ်ပြီး နံနက်မိုးလင်းမှသာ ရေခပ်သွားသည့် စက်ရုံလုပ်သားများက မီးသတ်ကန်အတွင်း သေဆုံးနေသည်ကို တွေ့ခဲ့ရခြင်း ဖြစ်သည်။
စက်ရုံတာဝန်ရှိသူများက ရုပ်အလောင်းအား ဆေးရုံသို့ စက်ရုံကားဖြင့် ပို့ပေးခဲ့သော်လည်း လျော်ကြေးပေးခြင်း မရှိကြောင်း ၎င်း အထပ်သား စက်ရုံမှ လုပ်သားများ အဆိုအရ သိရခြင်းဖြစ်သည်။
ယခင်က လျော်ကြေး အထိုက်အလျောက် ရခဲ့သော်လည်း ယခုလုပ်သား သေဆုံးမှုကျမှ မရခြင်းလည်း ဖြစ်သည်။
“လက်ချောင်း တချောင်း ပြတ်ရင် ငွေ ၁၅ဝဝဝ ပေးတယ်။ ဟိုတလောက ခြေထောက်ပြတ်တဲ့ တယောက်ကို ၁ သိန်း ပေးတယ်။ မကြာသေးဘူး” ဟု စက်ရုံလုပ်သား တဦးက ပြောသည်။
သစ်ခွဲစက်နှင့် လုပ်ကိုင်ရသူ လုပ်သားများမှာ မကြာခဏ ဆိုသလို ခြေ၊ လက် ပြတ်ခြင်းများ ဖြစ်တတ်သည်။ သို့သော် အလုပ်သမားများအား အသက်အာမခံ၊ ထိခိုက်မှု အာမခံ ပေးမထားကြောင်း ဆိုကြသည်။
မြန်မာစစ်အစိုးရ အလုပ်သမားရေးရာ ဝန်ကြီးဌာနကလည်း လုပ်သားများအတွက် မည်သည့် ကိစ္စကိုမျှ လုပ်ဆောင်ပေးခြင်း မရှိဖူးကြောင်း သိရသည်။
ယခုသေဆုံးမှုတွင်လည်း ကျန်ရစ်သူ မိသားစုမှာ လျော်ကြေး တောင်းရန် တရားရုံးစရိတ် မတတ်နိုင်ဘဲ မည်သည့် အဖွဲ့အစည်းကမှလည်း ကူညီခြင်း မရှိကြောင်း သိရသည်။
စက်ရုံ လည်ပတ်နေသည့် အချိန်ကာလ ၁ဝ နှစ်ကျော်အတွင်း လူသေဆုံးမှု ၇ မှု ဖြစ်ပွားခဲ့သည်။
သစ်ခွဲသား၊ အထပ်သားများ အဓိက ထုတ်လုပ်သည့် ချင်းစု အထပ်သားစက်ရုံမှာ တရုတ်လူမျိုးများ ဦးစီးကာ လုပ်သား ၂ဝဝဝ ကျော်ခန့်နှင့် နေ့ဆိုင်း ညဆိုင်း လုပ်ကိုင်နေသည့် အစိုးရနှင့် ဖက်စပ် စက်ရုံ ဖြစ်သည်။
source by : မဇ္ဈိမ
AddThis
လာလည်သူ အပေါင်း
ဒီကနေ့ လာလည်ကြသော ကျွန်တော် မိတ်ဆွေ
မြန်မာစာလုံးများ
ဇော်ဂျီ အသွင်းပြောင်း ဆော့စ်ဝဲလ်လေးပါ
 |
0 comments:
Post a Comment