ဝက်မှာတွေ့တဲ့ တုတ်ကွေးဗိုင်းရပ်မျိုးကြောင့် မက်ဆီကိုမှာ လူ ၈၁ဦးသေဆုံး

VOA | မက္ကဆီကို နိုင်ငံမှာ Swine flu ဝက်တုပ်ကွေး ကူးစက် ပျံ့ပွားမှုကြောင့် သေဆုံးသူပေါင်း ၈၁ ယောက် ရှိသွားပြီလို့ မက္ကဆီကို ကျန်းမာရေး ဝန်ကြီးက ပြောပါတယ်။ မက္ကဆီကို စီးတီး မြို့တော်နဲ့ အနီး ဝန်းကျင်က ဒေသတွေမှာ ကျောင်းတွေကို မေလ ၆ ရက်နေ့ အထိ ပိတ်ထားမယ်လို့ အစိုးရက ကြေငြာခဲ့တာနဲ့ အတူ လူအသေ အပျောက်နှုန်း အသစ်ကို ကျန်းမာရေးဝန်ကြီးက ထုတ်ပြန် ပြောကြား ခဲ့တာဖြစ်ပါတယ်။ မက္ကဆီကို နုိုင်ငံနဲ့ အမေရိကန် နုိုင်ငံတွေမှာ ဝက်တုပ်ကွေးလို့ အတည်ပြုနိုင်တဲ့ နောက်ထပ် ကူးစက်မှုတွေနဲ့  ဖြစ်နိုင်ချေ ရှိတဲ့ ကူးစက်မှုတွေကြောင့်  လူတွေမှာဖြစ်တဲ့ ဝက်တုပ်ကွေးရောဂါ ပျံ့နှံ့ ဖြစ်ပွားနိုင်တဲ့ အလားအလာရှိနေတာမို့  ဒီ ဗိုင်းရပ် ပိုးဟာ နိုင်ငံတကာမှာ အများပြည်သူ ကျန်းမာရေးအတွက် အရေးပေါ် စိုးရိမ်စရာဖြစ်တယ်လို့ WHO ကမ္ဘာ့ ကျန်းမာရေး အဖွဲ့ ကြီးက ကြေငြာထားပါတယ်။

ဗုိုင်းရပ် ကူးစက်မှုကို တာဝန်ရှိသူတွေ ထိန်းနုိုင်မှာ မဟုတ်ဘူးလို့  အမေရိကန် ရောဂါထိန်းချုပ်ရေးဌာနက သတိပေးထားပါတယ်။ နယူးဇီလန် နိုင်ငံမှာတော့ မက္ကဆီကို ကနေ လတ်တလော ပြန်လာတဲ့ ကျောင်းသား ၁၀ ယောက်ဟာ ဝက်တုပ်ကွေး ဗုိုင်းရပ် ကူးစက်လာခဲ့ ပုံရတယ်လို့ နယူးဇီလန် ကျန်းမာရေးဝန်ကြီးက ပြောပါတယ်။ မက္ကဆီကို နိုင်ငံမှာ လူပေါင်း ၁၃၀၀ ကျော် နာမကျန်း ဖြစ်ခဲ့ ရတာဟာ ဝက်တုပ်ကွေး ဗုိုင်းရပ် ကြောင့် ဖြစ်မယ်လို့ သံသယရှိကြောင်း တာဝန်ရှိသူတွေက ပြောပါတယ်။ Roman Catholic ဘာသာဝင် အများစုနေထိုင်ကြတဲ့ မက္ကဆီကို မှာ ဒီကနေ့ တနင်္ဂနွေနေ့ ဝတ်ပြု ဆုတောင်းပွဲတွေကို တနိုင်ငံလုံးက ဘုရားကျောင်းတွေမှာ ဖျက်ခဲ့ပါတယ်။

မြို့တော်ထဲမှာလဲ လူစုလူဝေးပွဲတွေ အားလုံးကို ၁၀ ရက် မ လုပ်ရလို့ မြို့တော်ဝန်က အမိန့် ထုတ်ထားတဲ့ အပြင် လူနာတွေကို သီးခြားထားဖို့ နဲ့ ခရီးသွားတွေကို စစ်ဆေးမှုတွေလုပ်ဖို့ ကျန်းမာရေးဌာနကို လုပ်ပိုင်ခွင့်တွေ ပေးထားပါတယ်။ အမေရိကန်မှာတော့ California ပြည်နယ်မှာ ၁ ယောက် နဲ့  Kansas ပြည်နယ်မှာ ၂ ယောက် အပါအဝင် အသက်အန္တာရာယ် မရှိသေးတဲ့ ရောဂါကူးစက်မှု စုစုပေါင်း ၁၁ ခု တွေ့ ရှိထားတယ်လို့ ကျန်းမာရေး တာဝန်ရှိသူတွေက အတည်ပြု ပါတယ်ရှင်။

နားဆင်ရန်

source by : ဗီအိုအေ