မြန်မာနိုင်ငံ ဘာသာရေးလွတ်လပ်ခွင့် ကင်းမဲ့ဟု ဝေဖန်ခံရပြန်

မဇ္ဈိမ | ဘာသာရေး လွပ်လပ်ခွင့် ကင်းမဲ့မှုကို မြန်မာ စစ်အစိုးရက ဖြေရှင်းရန် ပျက်ကွက်ခဲ့သဖြင့် အမေရိကန်က ‘အထူးစိုးရိမ်ရသော နိုင်ငံ’ ဟု အမည်သစ်ပေးကာ နောက်တကြိမ် ပြစ်တင်ဝေဖန်လိုက်သည်။

Country of Particular Concern – CPC စာရင်းကို စတင်သတ်မှတ်သည့် ၁၉၉၉ ခုနှစ်မှစ၍ ယခုနှစ်အထိ နှစ်စဉ်ပါခဲ့ပြီး၊ အမေရိကန် နိုင်ငံခြားရေး ဝန်ကြီးဌာနက စာရင်းမပြုစုဖြစ်ခဲ့သည့် ၂ဝဝ၇ ခုနှစ် တနှစ်သာ လွတ်ခဲ့သည်။

ပြီးခဲ့သည့် ရက်သတ္တပတ်ကုန်က ထုတ်ပြန်ခဲ့သော ဤစာရင်းသည် ယခင်အစိုးရဟောင်း၏ နိုင်ငံခြားရေး ဝန်ကြီးဟောင်း ကွန်ဒိုလီဇာရိုက် (Condoleezza Rice) လက်ထက်က ပြုစုခဲ့သည့် ၂ဝဝ၈ ခုနှစ်အတွက် စာရင်းဖြစ်သည်။

စာရင်းသည် ယခင်နှစ်စာရင်းများနှင့် တပုံစံထဲဖြစ်ပြီး ယခုနှစ်တွင်လည်း မြန်မာ၊ အီရီထရီးယား (Eritrrea) ၊ အီရန်၊ မြောက်ကိုရီးယား၊ တရုတ်၊ ဆော်ဒီအာရေးဗီးယား၊ ဆူဒန်နှင့် အူဇဘက်ကစ်စတန် ပါဝင်သည်။

CPC အဆင့်အတန်း သတ်မှတ်ချက်ကို ဘာသာရေးလွတ်လပ်ခွင့်ကို ညှဉ်းပန်းနှိပ်ကွပ်ရာတွင် ‘အထူး ပြင်းထန်သော’ နိုင်ငံများမှ အစိုးရများကိုသာ ရွေးချယ် သတ်မှတ်ခြင်းဖြစ်သည်။

ဤသို့ ညှဉ်းပန်းနှိပ်ကွပ်ခြင်းကို ညှဉ်းပန်းနှိပ်စက်ခြင်း၊ ‘အသက်ရှင်နေထိုင်ခွင့်၊ လွတ်လပ်ခွင့်၊ လူပုဂ္ဂိုလ်လုံခြုံမှု စသည်တို့ကို ပြောင်ပြောင်းတင်းတင်း ငြင်းပယ်ခြင်း’ တို့ဖြင့် သတ်မှတ်ဖော်ပြသည်။

မြန်မာအာဏာပိုင်များ၏ ရက်ရှည်လများ ညှဉ်းပန်းနှိပ်စက်ခံရခြင်း၊ မြန်မာနိုင်ငံ၏ ဆိုးဝါးလှသော နေထိုင်မှု ဘဝမှ လွတ်မြောက်ရေးအတွက် ထွက်ပြေးရန် ကြိုးစားရာတွင် သူတို့ကြုံခဲ့ရသော ဒုက္ခသုက္ခများကြောင့် အများအားဖြင့် မူဆလင်ရိုဟင်ဂျာများဖြစ်သော လူများ၏ အရေးကိစ္စသည် နိုင်ငံတကာက အာရုံစိုက်စရာ ကိစ္စတရပ်အဖြစ် မကြာခင် ရက်သတ္တပတ်များက ပေါ်ပေါက်ခဲ့သည်။

ကင်းလွတ်ခွင့်ပြုခြင်း မခံရပါက သမတက အဆိုပါ CPC နိုင်ငံများရှိ သက်ဆိုင်ရာ ကျူးလွန်ဖောက်ဖျက်သည့် အစိုးရများအပေါ် ပိတ်ဆို့မှုများ ချမှတ် အရေးယူခြင်းနှင့် ဘာသာရေး လွတ်လပ်ခွင့် အဆင့်အတန်း တိုးတက် ကောင်းမွန်လာရေးအတွက် ဖိအားပေးခြင်းတို့ကို ဆောင်ရွက်နိုင်သည်။

၁၉၈၈ ခုနှစ်က တနိုင်ငံလုံး အနှံ့အပြားဖြစ်ပေါ်ခဲ့သည့် အုံကြွမှုအပြီး၊ အထူးသဖြင့် ၂ဝဝ၃ ခုနှစ် မြန်မာ့ လွတ်လပ်ရေး နှင့် ဒီမိုကရေစီဥပဒေကို ပြဋ္ဌာန်းအပြီးတွင် မြန်မာနိုင်ငံနှင့် မြန်မာ စစ်ခေါင်းဆောင်များအပေါ် အလုံးစုံ ပိတ်ဆို့အရေးယူမှုကို တောက်လျှောက် ထားရှိခဲ့သည်။

စုဆောင်း ကောက်ယူရရှိသည့် ရလဒ်များကို ထုတ်ပြန်ကြေညာခြင်း မပြုမီ၊ တွေ့ရှိချက်များကို အမေရိကန် နိုင်ငံတကာ ဘာသာရေးလွတ်လပ်မှု ကော်မရှင် (US Commission on International Religious Freedom – USCIRF) သို့ တုံ့ပြန် အရေးယူရန်နှင့် ထောက်ခံချက်များ ပေးပို့ရန် တင်ပြရသည်။

သောကြာနေ့က ထုတ်ပြန်ခဲ့သော USCIRF ၏ ကြေညာချက်တွင် ဆိုးဆိုးဝါးဝါး ကျူးလွန် ဖောက်ဖျက်ခဲ့ သူများအား အရေးယူရန် ပျက်ကွက်ခဲ့ခြင်းနှင့် CPC စာရင်းတွင် ပါဝင်နေသော နိုင်ငံများနှင့် စပ်လျဉ်း၍ ပြင်းပြင်းထန်ထန် တုံ့ပြန်ဝေဖန်ခဲ့သည်။

“နိုင်ငံခြားရေး ဝန်ကြီးဌာနအနေနှင့် ကျွန်ုပ်တို့ ကော်မရှင်က CPC အဆင့်အတန်း သတ်မှတ်ရန် ထောက်ခံ တင်ပြခဲ့သော နိုင်ငံများကို လွန်ခဲ့သောနှစ်များကပင် တုံ့ပြန်အရေးယူ ဆောင်ရွက်ခဲ့သင့်သည်” ဟု USCIRF ၏ ဥက္ကဋ္ဌ Felice Gaer က ထုတ်ဖော်ပြောဆိုသည်။

“အိုဘားမား အစိုးရသစ်သည် CPC အဆင့်အတန်း သတ်မှတ်ဖော်ပြမှုက လူ့အခွင့်အရေးကိစ္စများအပေါ် အမေရိကန်၏ လူထုသံတမန်ရေး လုပ်ငန်းအတွက် ထပ်ဆင့်တိုး အကျိုးကျေးဇူးများ ရရှိစေသည်ဆိုသည်ကို အသိအမှတ် ပြုလိမ့်မည်ဟု ကျွန်ုပ်တို့ (USCIRF) က မျှော်လင့်ပါသည်” ဟု Gaer က ဆက်ပြောသည်။

ကမ္ဘာ့အဆိုးဆုံး ဘာသာရေးလွတ်လပ်ခွင့် ကျူးလွန်ဖောက်ဖျက်သည့် နိုင်ငံများစာရင်းတွင် ပါကစ္စတန်၊ ဗီယက်နမ်၊ တာ့ခ်မေနစ္စတန် (Turkmenistan) နှင့် အီရတ်နိုင်ငံတို့ကို ထည့်သွင်းဖော်ပြရန် (USCIRF) က အကြံပေးခဲ့သော်လည်း နိုင်ငံခြားရေး ဝန်ကြီးဌာနက အဆိုပါ ရည်ညွှန်းဖော်ပြခြင်း ခံရသည့် နိုင်ငံများအပေါ် အရေးယူဆောင်ရွက်ရန် ငြင်းဆန်ခဲ့သည်။

ဤစာရင်းသည် နိုင်ငံရေးလိုအပ်ချက်၏ မလျော်သြဇာ အသုံးပြုမှုကို ခံရသည်ဟု မကြာခဏ ဝေဖန်ခံရသည်။ ဝေဖန်သူများက ဆော်ဒီအာရေးဗီးယားကို ကင်းလွတ်ခွင့်ပေးခဲ့ခြင်းအား ထောက်ပြဝေဖန်ကြခြင်းဖြစ်သည်။ ဤအရှေ့အလယ်ပိုင်းနိုင်ငံသည် ဘာသာရေးလွတ်လပ်ခွင့်ကို လေးစားလိုက်နာရာ၌ ဆိုးဝါးလှသည့် မှတ်တမ်းရှိခဲ့လင့်ကစား၊ ဤ သတ်မှတ်ချက်အရ အရေးယူရမည့်ကိစ္စကို အရေးမယူဘဲ ထိထိရောက်ရောက် အကာအကွယ်ပေးခဲ့သည်။

source by : http://www.mizzimaburmese.com/news/regional/2679-2009-03-30-09-54-29.html