ဧရာဝတီ | ထိုင်းနိုင်ငံ မြောက်ပိုင်းတွင် လေထုညစ်ညမ်းမှု ဖြစ်ပေါ်နေသောကြောင့် ဒေသခံ ပြည်သူများ အနေဖြင့် နေအိမ်ပြင်ပသို့ ထွက်ရှိပါက နှာခေါင်းစည်းများစည်း၍ ထွက်ရန် ထိုင်းပြည်သူ့ ကျန်းမာရေးဌာနက သတိပေးထားသည်။
 ဖေဖော်ဝါရီ လလယ်က ချင်းမိုင်မြို့တွင် မီးခိုးမြူမှုန်များ ကျနေစဉ် (ဓာတ်ပုံ - TNA) |
PM-10 အဆင့်သည် ၁၂၀ မိုက်ခရိုဂရမ် (၁ ကုဗမီတာ) အထက်ရှိပြီး ကျန်းမာရေး ထိခိုက်စေနိုင်သော အဆင့် ဖြစ်ကြောင်း၊ ပြီးခဲ့သည့် ဗုဒ္ဓဟူးနေ့က တိုင်းထွာချက်အရ ယင်းမီးခိုးမှုန်များမှာ ချင်းမိုင်တွင် ၁၂၉ မိုက်ခရို ဂရမ်ရှိပြီး လမ်းပန်းတွင် ၂၀၁ မိုက်ခရိုဂရမ် ရှိကြောင်း သိရသည်။
အဆိုပါ မီးခိုးပြာမှုန်များ ကောင်းကင်လေထုထဲ ရောက်ရှိရခြင်းမှာ လယ်ကွင်းများ၊ တောင်ယာများကို ကျေးရွာ သားများက မီးရှို့မှုကြောင့်နှင့် တောမီးလောင်မှုများ ကြောင့်လည်း ဖြစ်သည်ဟု ဆိုသည်။
ဖေဖော်ဝါရီလ ပထမ ၃ ပတ်အတွင်းတွင် လမ်းပန်းတမြို့တည်း၌ ကလေးသူငယ် အများဆုံးပါဝင်သော လူပေါင်း ၃၀၀၀ ကျော် အသက်ရှု လမ်းကြောင်းဆိုင်ရာ ရောဂါဖြစ်ပွားသည့်အတွက် ဒေသခံများ ပြင်ပထွက်လျှင် နှာခေါင်း စည်းများစည်းရန် ကျန်းမာရေးဌာနက သတိပေးထားခြင်းဖြစ်သည်ဟု ယမန်နေ့ကထုတ်ဝေသည့် ဘန်ကောက်ပို့စ် သတင်းစာတွင် ရေးသားထားသည်။
ချင်းမိုင်ခရိုင် တောမီးငြိမ်းသတ်ရေး အဖွဲ့အကြီးအကဲ ဆူရာပိုးလ် လီးလာဗာရိုဖတ်စ်က ယခုနှစ်ဆန်းမှ စ၍ တောမီးလောင်မှု ၁၁၁ ကြိမ် ဖြစ်ပွားခဲ့ကြောင်း ပြောသည်ဟု TNA သတင်းကလည်း ဖော်ပြသည်။
ထိုင်းနိုင်ငံရှိ ခရိုင် ၁၉ ခု ကောင်းကင်တွင် လေထု ညစ်ညမ်းမှုဖြစ်ပေါ်နေကြောင်း သဘာဝဘေး အန္တရာယ် ကာ ကွယ်ရေးဌာနက လွန်ခဲ့သည့် အပတ်အတွင်း အစီရင်ခံစာတစောင် ထုတ်ပြန်ထားပြီး နိုင်ငံတ၀န်းတွင် အရေးပေါ် ကယ်ဆယ်ရေးဌာနများ စီစဉ်ထားကြောင်း သိရသည်။
ထိုင်း မိုးလေ၀သနှင့် ဇလဗေဒ ဌာန ညွှန်ကြားရေးမှူး ဆုမ်ချိုင်း ဘိုင်မောင်း ကလည်း ထိုင်းနိုင်ငံမြောက်ပိုင်းနှင့် အရှေ့မြောက်ပိုင်း ခရိုင်များတွင် လာမည့် ဧပြီလအတွင်း အပူချိန် မြင့်မားမည်ဟု ယူဆရကြောင်းနှင့် အပူချိန် သည် ၄၂ ဒီဂရီစင်တီဂရိတ် အထိမြင့်မားနိုင်ကြောင်း သတိပေးပြောကြားထားသည်။
source by : http://www.irrawaddy.org/bur/index.php?option=com_content&view=article&id=767:2009-02-27-08-43-50&catid=1:news&Itemid=2
0 comments:
Post a Comment