သတင်း အေးလဲ့ ဧရာဝတီ | မြန်မာပြည်ဖွား တရုတ် လူမျိုးများက လာမည့် တနင်္လာနေ့ (ဇန်နဝါရီလ ၂၆ ရက်နေ့) တွင် ကျရောက်မည့် တရုတ် နှစ်သစ်ကူး ပွဲတော်နေ့ အတွက် အသင့်ပြင်နေ ကြသည်။
 ရန်ကုန်မှ တရုတ် ကလေးငယ်တဦး၏ နှစ်သစ်ကူး နဂါးအက (ဓာတ်ပုံ - AFP/Getty Images) |
မန္တလေးသား တဦးက “(တရုတ် လူမျိုးတွေက) အိမ်တံခါး ပေါက်ကြီးမှာ မီးလုံး အနီကြီးတွေ ချိတ်ထားတယ်။ ဆုတောင်းတဲ့ သဘောနဲ့ လာဘ်လာဘ ဝင်ပါစေဆိုပြီး ဆုတောင်းကြတဲ့ သဘောပေါ့နော်” ဟု ပြောပြသည်။
ကုန်သည် တဦးကလည်း မန္တလေးမြို့တွင် တရုတ် နှစ်သစ်ကူးနေ့ မရောက်မီ ၂ ရက် အလိုတွင် ပွဲတော်ပေါင်း များစွာ ရှိကြောင်း၊ ထိုပွဲတော်များမှာ တရုတ် နှစ်သစ်ကူး အချိန်ကာလတွင် ပြုလုပ်ရန် စီစဉ်ထားခြင်း ဖြစ်ကြောင်း ပြောဆိုသည်။
ခရီးသွားလာမှု မြှင့်တင်ရေး အတွက် သက်ငယ် တဲအိမ်များဖြင့် ရောင်းချသည့် ဈေးပွဲတော်၊ ဆီဒိုးနား ဟိုတယ်မှ အဆိုတော် လေးဖြူ နှင့် Iron Cross တီးဝိုင်း၏ စင်မြင့် ဖျော်ဖြေပွဲ၊ ပွဲစားကုန်သည် စက်ပိုင်များ မဟာ ကထိန်တော် အသင်းကြီး၏ စိန်ရတု ၇၅ နှစ်မြောက်ပွဲ စသည့် ပွဲတော်ကြီးများ ပါဝင်ပြီး စည်ကားစွာ ကျင်းပကြမည် ဖြစ်ကြောင်း သိရသည်။
ခရီးသွား ဈေးပွဲတော်ကို ဇော်ဝင်းထွဋ်၊ ထွန်းအိန္ဒြာဗိုလ် စသည့် နာမည်ကျော် အဆိုတော် များဖြင့်လည်း အားဖြည့်ထားသည်။
"ဒီနှစ်မှာ မန္တလေးမှာတော့ Happy Chinese New Year ဆိုတဲ့ စာတန်းတွေ၊ လက်ကမ်း စာစောင်တွေ တွေ့နေရတယ်၊ စာအုပ်တွေထဲမှာ တွေ့ရတယ်။ ခါတိုင်းနှစ် တွေတော့ ဒီလောက်အထိ မတွေ့ရဘူး။ ဒီမှာ အရောင်းအဝယ် ပါးတော့ တရုတ် နှစ်သစ်ကူးမှာ ဝယ်ကြ ခြမ်းကြမလား ဆိုပြီး ကြော်ငြာတဲ့ သဘောပါပဲ" ဟု အဆိုပါ ကုန်သည်က ရှင်းပြသည်။
စားဝတ်နေရေး တနေ့တခြား ကြပ်တည်း လာသောကြာင့် တချို့က အကျဉ်းရုံး ပြုလုပ်မည်ဟု ဆိုသည်။
"အလုပ်အကိုင် ဒီနှစ် သိပ်မကောင်း ကြဘူးလေ။ ခါတိုင်း နှစ်တွေမှာ ဒီအချိန်ဆို တရုတ်အိမ်တွေက စားသောက်ပွဲတွေ ဖိတ်တယ်လေ၊ ဒီနှစ်တော့ မိသားစုဝင် တွေနဲ့ပဲ အိမ်မှာ လုပ်ကြမယ် ထင်တယ်။ လာမယ့်နှစ် နွားနှစ်မှာတော့ စီးပွားရေး ကောင်းမယ်လို့ တွက်ကြတာပဲ" ဟု ကုန်သည်တဦးက ပြောသည်။
တရုတ် လူမျိုးတို့၏ ရိုးရာယုံကြည်မှုအရ လက်ရှိ နှစ်မှာ ကြွက်နှစ် ဖြစ်ပြီး လာမည့် နှစ်မှာ နွားနှစ် (year of the ox) ဖြစ်သည်။
တရုတ် ယဉ်ကျေးမှု ပိုမိုထွန်းကားသည့် တရုတ် မြန်မာ နယ်စပ်တွင်လည်း နှစ်သစ်ကူး၏ အငွေ့အသက်များဖြင့် ပြည့်နေသည်။
တရုတ် မြန်မာ နယ်စပ် ရွှေလီမြို့မှ လူငယ်တဦးက “တယောက်နဲ့ တယောက် နှုတ်ခွန်းဆက်တဲ့ အချိန်မှာ နွားဆိုတဲ့ စကားလုံးကို ထည့်ပြောကြတယ်။ ဆုတောင်းပေးတဲ့ သဘောပဲ။ မိတ်ဆွေအပေါင်း အသင်းတွေကို ဖုန်း မက်ဆေ့ခ်ျ ပို့တာတွေမှာလည်း နွား ဆိုတဲ့ စကားလုံး ထည့်တယ်”ဟု ဆိုသည်။
“နှစ်ကူးကာလမှာ မိသားစုတွေ စုဝေးကြတယ်၊ စုံစုံညီညီနဲ့ ဖွယ်ဖွယ်ရာရာ ချက်ပြုတ် ကြတယ်၊ နောက်ပြီး ကွယ်လွန် သွားတဲ့ အဘိုး၊ အဘွားကို ကန်တော့ ပြီး ၁၂ နာရီ ကျော်ရင် ဗြောက်ဖောက်ရင်းနဲ့ နှစ်သစ်မှာ ပျော်ရွှင်ပါစေဆိုပြီး ဆုတောင်း ကြတယ်။ အဲဒီအချိန်မှာ ကလေးတွေက အိမ်ရှေ့တွေမှာ ကဗျာတွေရွတ်ပြီး ရွှေတံခါးကြီး၊ ငွေတံခါးကြီး ဖွင့်ပါဦးလို့ လာအော်တယ်။ အိမ်ရှင်တွေက တခါးကို ဖွင့်ပေးကြတာပေါ့။ လာမယ့်နှစ်မှာ လာဘ်လာဘ ကောင်းအောင် လုပ်ကြတာ”ဟု အဆိုပါလူငယ်က ရှင်းပြသည်။
ရန်ကုန်မြို့မှ တရုတ်လူမျိုးများ နေထိုင်ရာ လမ်းမတော်၊ လသာ စသည့်မြို့နယ် များတွင်လည်း တရုတ်နှစ်သစ်ကူး အတွက် ပြင်ဆင်နေ ကြသည်ဟု သိရသည်။
"တရုတ် နှစ်သစ်ကူးက လိုသေးတယ်။ ၂၆ ရက်နေ့မှ။ တနင်္လာနေ့မှ။ ဒါပေမယ့် ဒီနေ့ တရုတ်တန်း သွားတယ်။ တရုတ်တန်းမှာ ဒီနေ့ကို စည်နေပြီ၊ သူငယ်ချင်းတွေနဲ့ သွားတယ်၊ နဂါး ကတာတွေရော၊ တရုတ်မုန့်တွေ ရောင်းတဲ့ ဈေးသည် တွေရော ပြည့်နေတာပဲ၊ ပျော်စရာကြီး" ဟု ဗဟန်းမြို့နယ်မှ မသူဇာက ပြောသည်။ တရုတ် အိမ်များတွင် မီးပုံးနီများ ချိတ်ဆွဲထားကြသည်ဟု ဆိုသည်။
ရန်ကုန်မြို့ တရုတ်တန်းမှ စတုတ္ထ အကြိမ်မြောက် တရုတ်ရိုးရာ နဂါးအက ပြိုင်ပွဲကို မနက်ဖြန်တွင် စတင်မည်ဖြစ်ပြီး လေးညတိုင်တိုင် ကျင်းပမည်ဟု ရန်ကုန်မှလာသည့် ဆင်ဟွာ သတင်း တပုဒ်တွင် ဖော်ပြထားသည်။
တရုတ် လူမျိုးများသည် ကမ္ဘာ့နိုင်ငံ များစွာတွင် ရောက်ရှိ နေထိုင်လျက် ရှိသည်။ ၎င်းတို့၏ ရိုးရာ နှစ်ကူးပွဲတော် ကာလတွင် တရုတ် ဘုံကျောင်းများသို့ သွားရောက် စုဝေးကြသည်။ တနှစ်ပတ်လုံး မဆုံတွေ့ ဖြစ်ကြသည့် မိတ်ဆွေများနှင့်အတူ တရုတ်ရိုးရာ စားသောက် ဖွယ်ရာ တို့ကို ချက်ပြုတ် စားသောက်ကာ နှစ်သစ်ကူးကို ကြိုဆိုကြသည်။
0 comments:
Post a Comment