သတင်း NEJ ခေတ်ပြိုင် | ပြီးခဲ့သည့် ဒီဇင်ဘာ (၆) ရက်နေ့က လှိုင်သာယာမြို့နယ်၌ အစိုးရဘဏ် မီးလောင်မှုဖြစ်ပွားပြီး (၁၅) သိန်းဖိုးခန့် ဆုံးရှုံးသွားသည်။
အဆိုပါနေ့သည် စနေနေ့ဖြစ်ပြီး ဘဏ်တွင်ရှိသော အစောင့်က ရေနွေးတည်ရာမှ စတင် မီးလောင်ခြင်း ဖြစ်ကြောင်း သိရသည်။ သို့သော် အဆိုပါမီးကို ရှို့မီးဟု အချို့က သံသယရှိသည်။
“ရုံးပိတ်ရက်လည်းဖြစ်နေတယ်။ ဒီအစောင့်က လျှပ်စစ်ရေနွေးအိုးနဲ့ ရေနွေးတည်ရာက လောင်တယ်ဆိုတာ လုံးဝမဖြစ်နိုင်ဘူးလို့ သံသယဖြစ်တယ်” ဟု လှိုင်သာယာမြို့နယ် ဘဏ်အနီးနေထိုင်သူ အသက် (၅၀) ခန့် ကုမ္ပဏီဝန်ထမ်းတဦးက ပြောသည်။
မီးလောင်ချိန်မှာ ယင်းနေ့ ညနေ (၅) နာရီ (၂၅) မိနစ်ခန့်တွင်ဖြစ်ကြောင်း၊ မီးလောင်စဉ် လှိုင်သာယာမှ မီးသတ်ယာဉ်များအပြင် ရွှေပြည်သာ၊ အင်းစိန် မီးသတ်ယာဉ်များလည်း လာကြောင်း သိရသည်။
“လာလိုက်တဲ့ မီးသတ်ကားတွေ အစီး (၂၀) လောက်ရှိတယ်။ ရဲတွေဆိုတာလည်း အယောက် (၁၅၀) ကျော်လောက် ရှိတယ်။ လူတွေကတော့ သူတို့ပြောတဲ့ လျှပ်စစ်ရေနွေးအိုးက လောင်တယ်ဆိုတာ မယုံကြည်ဘူး” ဟု လှိုင်သာယာ တာဝန်ကျ ရဲတဦးက ပြောသည်။
မီးသတ်ဦးစီးဌာနသို့ ပေးပို့ထားသော စာရင်းများအရ အဆောက်အအုံတခုလုံးနီးပါး လောင်းကျွမ်းသွားပြီး ဆုံးရှုံးမှုတန်းဖိုးမှာ ကျပ် (၁၅) သိန်းဟု သိရသည်။
အဆိုပါ မြန်မာ့စီးပွားရေးဘဏ်သည် လှိုင်သာယာမြို့နယ် (၈) ရပ်ကွက် ညောင်တုန်းလမ်းဘေးတွင် တည်ရှိသည်။
မီးလောင်မှုကြောင့် ဘဏ်တာဝန်ရှိ သူကို အရေးယူထားကြောင်း သိရသည်။
AddThis
လာလည်သူ အပေါင်း
ဒီကနေ့ လာလည်ကြသော ကျွန်တော် မိတ်ဆွေ
မြန်မာစာလုံးများ
ဇော်ဂျီ အသွင်းပြောင်း ဆော့စ်ဝဲလ်လေးပါ
 |
0 comments:
Post a Comment