ယမန်နေ့က ထုတ်ဝေသည့် စာမျက်နှာပေါင်း (၉၀) ကျော်ပါ “Laid Waste” “အလုံးစုံပျက်သုဉ်းခြင်း” ဟု အမည်ပေးထားသည့် ယင်းအစီရင်ခံစာတွင် ပိုက်လိုင်းသွယ်တန်းခြင်းကြောင့် ပြည်သူတို့သည် မြေခြံ လယ်ယာများ၊ သဘာဝသယံဇာတများ ဆုံးရှုံးရသည်သာမက နေရပ်စွန့်ခွာ ထွက်ပြေးနေရကြောင်း ဖော်ပြ ထားပြီး စစ်အစိုးရ အတွက်သာ အကျိုးစီးပွားဖြစ်ထွန်းနေကြောင်း တင်ပြထားသည်။
အစီရင်ခံစာတွင် ကလေးငယ်များအား ကင်းစောင့်ခိုင်းခြင်း၊ ပစ္စည်းသယ်ပို့ခိုင်းခြင်း၊ အဓမ္မ လုပ်အားပေး ခိုင်းစေရာတွင် မိဘကိုယ်စား ကျောင်းမတက်ရဘဲ အလုပ်လုပ်ပေးနေရခြင်း အပါအဝင် ပိုက်လိုင်း လုံခြုံရေးစောင့် တပ်သားများ၏ အနိုင်ကျင့်၊ ခြိမ်းခြောက်၊ ရိုက်နှက်ခံရမှုများလည်း ရှိကြောင်း ယင်းအစီရင်ခံစာ ပြုစုသူ နိုင်အဲမွန်က ပြောသည်။
၎င်းက “ရေးမြို့နယ်တောင်ပိုင်း ခေါဇာနယ်မြေက ခလရ (၃၁) တပ်ရင်းဆိုရင် ကလေးတွေကို ကင်းစောင့်ခိုင်း တာတောင် မကဘူး။ အဲဒီအရပ်မှာ လှုပ်ရှားနေတဲ့ မွန်လက်နက်ကိုင်အဖွဲ့တွေကို ရှာဖွေတဲ့နေရာမှာလည်း ခြိမ်းခြောက်ပြီး ခိုင်းတယ်။ အဲဒီအဖွဲ့တွေရဲ့သတင်းတွေကို မေးမြန်းရင်လည်း ကလေးတွေကို ရိုက်နှက်ပြီး မေးတာရှိတယ်” ဟု ပြောသည်။
တနင်္သာရီတိုင်းမှ မွန်ပြည်နယ်ကို ဖြတ်၍ ကရင်ပြည်နယ်၊ ဘားအံမြို့နယ် မြိုင်ကလေးဘိလပ်မြေစက်ရုံအထိ သွယ်တန်းထားသော ဂတ်စ်ပိုက်လိုင်းတလျှောက်တွင် စစ်တပ်တည်ဆောက်ရန်နှင့် ပိုက်လိုင်းလုံခြုံရေးအတွက် သိမ်းပိုက်ခံရသည့် မြေဧကပေါင်း (၁) သောင်း (၅) ထောင်ကျော် ရှိပြီး လုံခြုံရေးအတွက် တပ်စခန်းပေါင်း (၃၀) ကို တည်ဆောက်ထားသည်။
ခိုင်ခံ့မှု မရှိ၍ ဂတ်စ်ပိုက်လိုင်း ယိုစိမ့်နေသည်ဖြစ်စေ၊ ပေါက်ကွဲနေသည်ဖြစ်စေ အနီးအနား ရွာသားများအား အဓမ္မ လုပ်အားပေး ခိုင်းစေမှုများနှင့် ရွာအပြောင်းအရွှေ့များကြောင့် နေရပ်စွန့်ခွာထွက်ပြေးလာသူ အယောက် (၁၀၀) ကျော်တို့နှင့် တွေ့ဆုံမေးမြန်းထားမှုများကိုလည်း ယင်းအစီရင်ခံစာတွင် ဖော်ပြထားသည်။
မိုင်ပေါင်း (၁,၂၀၀) ရှည်သော ဂတ်စ်ပိုက်လိုင်းသွယ်တန်းရန်အတွက် စစ်အစိုးရနှင့် တရုတ်နိုင်ငံအကြား သဘောတူညီမှု ရယူထားပြီး လတ်တလော ပိုက်လိုင်းသွယ်တန်းခြင်းကြောင့် ဖြစ်ပေါ်လာသည့် ဆိုးကျိုးများကို နိုင်ငံတကာက အာရုံစိုက်လာစေရန် ယခု အစီရင်ခံစာကို ထုတ်ပြန်ခြင်းဖြစ်ကြောင်း မွန်ပြည် လူ့အခွင့်အရေး မြှင့်တင်ရေး ဖောင်ဒေးရှင်း၏ ဒါရိုက်တာ နိုင်ကစောက်မွန်က အစီရင်ခံစာတွင် ပြောကြားသည်။
ကန်ဘောက်-မြိုင်ကလေး ဂတ်စ်ပိုက်လိုင်း၊ ရေး-ထားဝယ် မီးရထားလမ်း စတင်တည်ဆောက်ခဲ့စဉ်က မြန်မာနိုင်ငံ တောင်ပိုင်းတွင် ဖြစ်ပျက်နေသည့် လူ့အခွင့်အရေး ချိုးဖောက်မှုများကို လေ့လာရန် မွန်ပြည် လူ့အခွင့်အရေး မြှင့်တင်ရေးဖောင်ဒေးရှင်းကို ၁၉၉၅ ခုနှစ်တွင် စတင်ဖွဲ့စည်းခဲ့သည်။
source by : ခေတ်ပြိုင်
AddThis
လာလည်သူ အပေါင်း
ဒီကနေ့ လာလည်ကြသော ကျွန်တော် မိတ်ဆွေ
မြန်မာစာလုံးများ
ဇော်ဂျီ အသွင်းပြောင်း ဆော့စ်ဝဲလ်လေးပါ
 |
0 comments:
Post a Comment