RFA | လာမဲ့ ဧပြီလ ၂၈ရက်နဲ့ ၂၉ရက်နေ့ ပါတီရုံးချုပ်မှာ ပြုလုပ်မဲ့ NLD ပါတီ ပြည်နယ်နဲ့ တိုင်း မြို့နယ်ပေါင်းစုံ ဆွေးနွေးပွဲအတွက် နယ်လှည့် ဖိတ်ကြားနေတဲ့ ပါတီဝင်တွေကို ဒေသဆိုင်ရာ အာဏာပိုင်တွေက တားဆီး နှောင့်ယှက်နေတယ်လို့ စုံစမ်းသိရှိရပါတယ်။
 အမျိုးသား ဒီမိုကရေစီ အဖွဲ့ချုပ် (NLD) တည်ထောင်သည့် နှစ် ၂၀ပြည့် အခမ်းအနားကို ရန်ကုန်မြို့ရှိ ပါတီ ဌာနချုပ်တွင် စက်တင်ဘာ ၂၇ရက်နေ့က ကျင်းပနေပုံ ဖြစ်ပါသည်။ (Photo: AFP) |
ဦးမောင်မောင်ကြီး။ ။ “ဥက္ကဋ္ဌတွေ၊ အဖွဲ့ဝင်တွေ ကိုယ်တိုင် လာခေါ်တယ်ခင်ဗျ၊ ကျွန်တော်တို့ အဲဒီ ကျေးရွာ ရယကရုံးကို လိုက်သွားပါတယ်။ လိုက်သွားတဲ့အခါကျတော့ ကျွန်တော့ကို ဘာပြောလာလဲလို့ ဆိုတော့ ဦးလေးကို ကျွန်တော့ရွာမှာ ဒီနေ့တညပဲ တည်းခိုခွင့် ပြုနိုင်ပါမယ်တဲ့။ မနက်ဖြန်ကို ကျွန်တော်တို့ ရွာမှာ ဆက်ပြီးတော့ တည်းခိုခွင့် မပြုနိုင်ပါဘူးတဲ့။”
ဒီကိစ္စနဲ့ပတ်သက်ပြီး စကားများ ကျေးရွာအုပ်စု ဥက္ကဋ္ဌနဲ့ ည၁၂နာရီလောက်အထိ အချေအတင် ဆွေးနွေး ရတယ်လို့ ဦးမောင်မောင်ကြီးက ပြောပါတယ်။ မိမိဟာ ဧည့်စာရင်း တိုင်ပြီးသား ဖြစ်တဲ့အပြင် ဘာပြစ်မှုမှ ကျုးလွန်ခဲ့တာ မရှိဘူးလို့ ပြောဆိုပြီး မိမိအလုပ်ကိစ္စ ပြီးမှ ပြန်မှာဖြစ်ကြောင်း ပြန်လည် ဆွေးနွေးတယ်လို့ ဆိုပါတယ်။
ဦးမောင်မောင်ကြီး။ ။ “ဦးလေးတယောက်တည်းကိုပဲ မင်းအခု ထွင်းပြီးတော့ ဒီတညပဲ ရွာဧည့်စာရင်း ပေးတာလား၊ အခြားအခြားသော ဧည့်သည်တွေ လာရင်ကော ဦးလေးလိုပဲ မင်း တရက်တည်း ပေးသလား၊ ဦးလေးသိတာတော့ အနည်းဆုံး မင်းတို့ ၇ရက် အခြားလူတိုင်းကို ပေးတယ်။ ဦးလေးကျမှ ဘာဖြစ်လို့ ဒီတရက်တည်း ပြန်ရမယ်လို့ နှင်ထုတ်နေတာလဲ။ အဲဒီ ၁၂နာရီလောက်ကျမှ နောက်ဆုံး ကျွန်တော်က ကျွန်တော့ကိစ္စ ပြီးမှ ပြန်မယ်လို့ ဆွေးနွေးတဲ့အခါ နောက်ဆုံးကျတော့မှ ဦးလေးရယ်တဲ့ ကျွန်တော့ကို နားလည်ပေးပါ၊ ကျွန်တော် ပြောချင်လို့ ပြောရတာ မဟုတ်ပါဘူးတဲ့၊ ကျွန်တော့အထက် အဖွဲ့အစည်းတွေက မယကဥက္ကဋ္ဌ ဦးတင့်နိုင်တို့၊ ခယက ဥက္ကဋ္ဌ ဦးအေးဟန်တို့ကနေပြီးတော့ အမိန့်ပေးလို့၊ ခိုင်းလို့ ကျွန်တော် ပြောရတာပါတဲ့။”
ခုလို လာမဲ့ ဧပြီလ ၂၈ရက်နဲ့ ၂၉ရက်နေ့များမှာ ပြုလုပ်မဲ့ NLD ပါတီရဲ့ ပြည်နယ်နဲ့ တိုင်း၊ မြို့နယ် ပေါင်းစုံ ဆွေးနွေးပွဲအတွက် နယ်လှည့်နေသူ ပါတီဝင်တွေအနေနဲ့ အနှောင့်အယှက် မျိုးစုံခံနေရပေမဲ့ စစ်အစိ်ုးရ အာဏာပိုင်များနဲ့ စစ်အစိုးရ ထောက်ခံမှု ရထားတဲ့ အဖွဲ့အစည်းများ ၂၀၁၀ ရွေးကောက် ပွဲနဲ့ ပတ်သက်ပြီး နယ်လှည့်ပြီး စည်းရုံးရေးဆင်းနေတာကိုတော့ ဒေသ အာဏာပိုင်တွေကိုယ်တိုင် လိုက်ပြီး စီစဉ်ပေးနေတယ်လို့ စုံစမ်းသိရှိရပါတယ်။
source by : http://www.rfa.org/burmese/news/dissidents_harassed_in_travelling-04232009132023.html
0 comments:
Post a Comment