တောင်းဆိုချက် သုံးရပ်ကို လိုက်လျောမည် ဆိုပါက အမျိုးသား ဒီမိုကရေစီ အဖွဲ့ချုပ် (အန်အယ်လ်ဒီ) က ရွေးကောက်ပွဲကို ၀င်ရောက် ယှဉ်ပြိုင်မည်။

NEJ | တောင်းဆိုချက်သုံးရပ်ကို လိုက်လျောမည်ဆိုပါက အမျိုးသားစီမိုကရေစီအဖွဲ့ချုပ် (အန်အယ်လ်ဒီ) က ရွေးကောက်ပွဲကို ၀င်ရောက်ယှဉ်ပြိုင်ရန် ရည်ရွယ်ကြောင်း အဖွဲ့ချုပ်၏ စုံညီအစည်းအဝေးအပြီး ယမန်နေ့ ထုတ်ပြန်ကြေညာစာတမ်းတွင် တင်ပြထားသည်။

တောင်းဆိုချက် (၃) ရပ်မှာ အဖွဲ့ချုပ်ခေါင်းဆောင်များအပါအ၀င် နိုင်ငံရေးအကျဉ်းသားအားလုံး ခြွင်းချက်မရှိ ပြန်လွှတ်ပေးရေး၊ ၂၀၀၈ ဖွဲ့စည်းပုံအခြေခံဥပဒေမှ ဒီမိုကရေစီစံနှုန်းများနှင့် မကိုက်ညီသည့်အချက်များကို ပြင်ဆင်ပေးရေးနှင့် အားလုံးပါဝင်နိုင်မည့် လွတ်လပ်၍ တရားမျှတသော ရွေးကောက်ပွဲအဖြစ် နိုင်ငံတကာ၏ စောင့်ကြပ်လေ့လာမှုကို ခွင့်ပြုရေး စသည့်အချက်များကို တောင်းဆိုထားသည်။

ယင်းတောင်းဆိုချက်များကို လိုက်လျောပါက အန်အယ်လ်ဒီသည် ပေါ်ပေါက်လာမည့် နိုင်ငံရေးပါတီများ မှတ်ပုံတင် ခြင်း ဥပဒေနှင့် ရွေးကောက်ပွဲနှင့်စပ်လျဉ်းသော ဥပဒေတို့ကို လေ့လာစဉ်းစားပြီး ရွေးကောက်ပွဲဝင်ရန် ရည်ရွယ်သည်ဟု ထုတ်ပြန်ကြေညာသည်။

အဆိုပါထုတ်ပြန်ချက်ပါ တောင်းဆိုချက်များနှင့်ပတ်သက်၍ အန်အယ်လ်ဒီ၏သဘောထား၊ ၂၀၀၈ ဖွဲ့စည်းပုံ အခြေခံဥပဒေမှ ဒီမိုကရေစီစံနှုန်းများ၊ နအဖ၏ လိုက်လျောမှု ရှိနိုင်မည့်အခြေအနေများကို ခေတ်ပြိုင်က အစည်းအဝေးတက်ရောက်ခဲ့သည့် အန်အယ်လ်ဒီ ပြောခွင့်ရသူတဦးဖြစ်သူ ဦးဉာဏ်ဝင်းအား ဆက်သွယ်မေးမြန်းခဲ့သည်။

ရွေးကောက်ပွဲဝင်ရန် ရည်ရွယ်ချက်နှင့်ပတ်သက်၍ ဦးဉာဏ်ဝင်းက “ကျနော်တို့ move နည်းနည်းလုပ်တာပေါ့။ အရင် ရပ်တည်ချက်တွေ ပြင်တော့မပြင်ဘူး။ သို့သော် ကျနော်တို့ ပြင်သာပြောင်းသာဖြစ်တဲ့ တောင်းဆိုချက်မျိုး၊ နောက်ပြီးတော့ ဖြစ်နိုင်ခြေရှိတဲ့ တောင်းဆိုချက်မျိုးကို ပြုပြင်ပြီးတော့ တောင်းဆိုတဲ့သဘောပါ” ဟု ပြောသည်။

၎င်းက ဆက်လက်ပြီး နအဖ၏ ဖွဲ့စည်းပုံသည် ဒီမိုကရေစီစံနှုန်းများဖြင့် မကိုက်ညီကြောင်း ရှင်းပြသည်။

“လိုရင်းကို ခြုံပြောရင်တော့ ၂၀၀၈ အခြေခံဖွဲ့စည်းပုံဥပဒေက ပြည်သူရွေးကောက်တင်မြှောက်တဲ့ ပြည်သူ့ ကိုယ်စားလှယ်က အဓိကမဟုတ်ဘဲနဲ့ စစ်တပ်က အဓိက ဖြစ်နေတယ်။ ဒါ ဒီမိုကရေစီစံနှုန်းနဲ့ လုံးဝမကိုက်ညီဘူး။ တချက်ချင်း အသေးစိတ်ဆိုရင်တော့ အများကြီးပါပဲ” ဟု ဦးဉာဏ်ဝင်းက ပြောသည်။

အန်အယ်လ်ဒီအနေဖြင့် ပြည်သူ့အကျိုးကို မျှော်ကိုး၍ ယခုကဲ့သို့ တောင်းဆိုခြင်းဖြစ်သည်ဟုလည်း ဦးဉာဏ်ဝင်းက ပြောသည်။

၎င်းက “သာမန်အားဖြင့်တော့ သူတို့သွားနေတဲ့လမ်းကြောင်းက လိုက်လျောဖို့မရှိပါဘူး။ သို့သော်လည်း ဒီတောင်းဆိုချက်သုံးရပ်သည် အများပြည်သူက မျှတတဲ့တောင်းဆိုချက်လို့ မြင်သာတဲ့ကိစ္စများ ဖြစ်တဲ့အတွက် ကျနော်တို့တစုံတရာ အကျိုးရှိနိုင်တယ်လို့ မျှော်လင့်ပြီးတော့ အခုလို ပြုပြင်တောင်းဆိုတာဖြစ်ပါတယ်။ ကျနော်တို့ ဒီကြေညာချက်နဲ့ ဆွေးနွေးပွဲတွေဟာ နှစ်ဘက်တွေ့ဆုံညှိနှိုင်းလို့ရှိရင် ပြေလည်နိုင်တယ်။ အန်အယ်လ်ဒီ ဘက်ကတော့ ပြုသာပြင်သာမူဝါဒကို ကိုင်စွဲတယ်ဆိုတာကို အသိပေးတာပါ” ဟု ပြောသည်။

နအဖစစ်အစိုးရဘက်မှ ဒေါ်အောင်ဆန်းစုကြည်အနေဖြင့် ထိပ်တိုက်ရင်ဆိုင်ရေး၊ အလုံးစုံပျက်သုဉ်းရေး၊ မြန်မာနိုင်ငံ အား စီးပွားရေးအဆက်အသွယ် ဖြတ်တောက်ရေးအပါအ၀င် အလုံးစုံပိတ်ဆို့ရေးစသည်တို့ကို စွန့်လွှတ်ကြောင်း ကြေညာရန်နှင့် ယင်းသို့ကြေညာပါက ဗိုလ်ချုပ်မှူးကြီးသန်းရွှေက ဒေါ်အောင်ဆန်းစုကြည်နှင့် တိုက်ရိုက်တွေ့ဆုံ ဆွေးနွေးမည်ဟု တရားဝင်ကြေညာချက် ထုတ်ပြန်ထားသည်။

အန်အယ်လ်ဒီဘက်မှမူ နအဖတင်ပြသည့် ယင်းအချက် (၄) ချက်သည် အန်အယ်လ်ဒီက ဆုပ်ကိုင်ထားသည့် မူဝါဒများ တခုမှမဟုတ်ကြောင်း ငြင်းပယ်ခဲ့သည်။

source by : ခေတ်ပြိုင်