မာတင်လူသာကင်းဆု ဒေါ်စုဆွတ်ခူး

Monday, January 19, 2009 ·

သတင်း ဧရာဝတီ | မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်သည် ယမန်နေ့က အမေရိကန် ပြည်ထောင်စုရှိ အဖွဲ့အစည်း တခုက ပေးအပ်သော ဆုတခုကို ရရှိခဲ့သည်။

အမေရိကန် လူ့အခွင့်အရေး လှုပ်ရှားမှု ခေါင်းဆောင် ဒေါက်တာမာတင်လူသာကင်းအမှတ်တရ အဖြစ် ဂုဏ်ပြု ထူထောင် ထားသော Realizing the Dream အဖွဲ့က ပေးအပ်သည့်ဆုဖြစ်သည်။

ဒေါ်အောင်ဆန်းစုကြည်ကိုယ်စား US Campaign for Burma အဖွဲ့မှ ညွှန်ကြားရေးမှူး ကိုအောင်ဒင်က အခမ်းအနား တက်ရောက်ပြီး ဆုလက်ခံရယူသည်။

ဂျော်ဒန်နိုင်ငံ မိဖုရားကြီး နှင့် ဒေါက်တာမာတင်လူသာကင်း၏ သားဖြစ်သူက ဆုများကို ပေးအပ်ခဲ့ရာ မိဖုရားကြီးက “ဒေါ်အောင်ဆန်းစုကြည်ဟာ လွတ်မြောက်ရေးအတွက် တိုက်ပွဲဝင်သူဖြစ်တယ်၊ ဖိနှိပ်မှုတွေကို အကြမ်းမဖက်တဲ့နည်းနဲ့ တစိုက်မတ်မတ် တွန်းလှန်ခဲ့သူဖြစ်တယ်”ဟု မိန့်ခွန်းတွင် ထည့်သွင်းပြောဆိုခဲ့သည်။

“ဒေါ်အောင်ဆန်းစုကြည်ဟာ ဗုဒ္ဓဘာသာကို အလေးအနက် ယုံကြည်သက်ဝင်သူ၊ မဟတ္တမ ဂန္ဒီရဲ့ လမ်းစဉ် တွေကို တသဝေမတိမ်း လိုက်နာသူ၊ ဒေါက်တာမာတင်လူသာကင်းရဲ့ အဆိုအမိန့်တွေကို ယုံကြည် လက်ခံသူ ဖြစ်တယ်။ ဖိနှိပ်တဲ့သူတွေကို တည်တည်ငြိမ်ငြိမ် ရင်ဆိုင်ဖို့ မြန်မာလူထုကို ဦးဆောင်နိုင်ခဲ့သူလည်း ဖြစ်ပါတယ်” ဟု မိဖုရားကြီးက ဆိုသည်။

ဆုလက်ခံယူသည့် ကိုအောင်ဒင်ကလည်း သမ္မတသစ် ဘားရက်အိုဘားမားသည် အမေရိကန်ပြည်ထောင်စုက မြန်မာစစ်အစိုးရအပေါ် ပိတ်ဆို့ဒဏ်ခတ်နေမှုများကို ဆက်လက်ကိုင်စွဲသွားမည်၊ နိုင်ငံတကာမိသားစုက စစ်အစိုးရကိုဖိအားပေးနိုင်ရေးအတွက် သံတမန်ရေးအရ ဦးဆောင် စည်းရုံးသွားနိုင်မည်ဟု ယုံကြည်ပါကြောင်း ပြောကြားသွားသည်။

“ဒေါက်တာမာတင်လူသာကင်း နဲ့ လူကြီးမင်းတို့အားလုံးလိုပါပဲ၊ ဒေါ်အောင်ဆန်းစုကြည်မှာလည်း အိပ်မက်တခု ရှိပါတယ်။ အဲဒီ အိပ်မက်ကတော့ ရှင်းရှင်းလေးပါ၊ ပြည်သူလူထုကြီးကို အကြောက်တရားကနေ လွတ်မြောက်ဖို့၊ ဖိနှိပ်မှုတွေကနေ လွတ်မြောက်ဖို့၊ မွေးရာပါအခွင့်အရေးတွေကို လွတ်လွတ်လပ်လပ် ကျင့်သုံးနိုင်ဖို့ပါပဲ” ဟု ကိုအောင်ဒင်က Trumpet of Conscience ဆုကို လက်ခံသည့်မိန့်ခွန်းတွင် ပြောကြားသွားသည်။

“သူက မတရားတာတွေကို အတူတကွ ဆန့်ကျင်ဖို့ ပြည်သူတွေကို တိုက်တွန်းခဲ့တယ်။ စစ်အစိုးရကိုလည်း အဓိပ္ပာယ်ရှိတဲ့ ဆွေးနွေးပွဲတွေ အစပြုဖို့ တောင်းဆိုခဲ့တယ်။ အလွှာအသီးသီးပါဝင်တဲ့ အမျိုးသား ပြန်လည် ရင်ကြားစေ့ရေး အတွက်လည်း တောင်းဆိုခဲ့တယ်”ဟု ကိုအောင်ဒင်က ပြောသည်။

သို့သော်လည်း စစ်အစိုးရက အာဏာကို လုံးဝ ချုပ်ကိုင်ထားပြီး၊ ငြိမ်းချမ်းရေးအတွက်ရည်ရွယ်သည့် ဒေါ်စု၏ မေတ္တာရပ်ခံချက်များကို ဂရုမစိုက်ခဲ့ပါဟု ကိုအောင်ဒင်က ဆိုသည်။

0 comments:

ဗုဒ္ဓမြတ်စွာ ဘုရား

ဘုရား၊ တရား၊ သံဃာ၊ မိဘ၊ ဆရာ တို့အား အစဉ် ဂါဝရပန်း ဆင်မြန်းလျက်

ပျော်ပျော်ပါးပါးရေးပါ။

Type the MYANMAR fonts in here... Clip the Keyboard icon

ကီးဘုတ်ကိုနှိပ်ပါ

ကမ္ဘာမကြေဘူး သီချင်းလေးပါ

၂၀၁၀ ရွေးကောက်ပွဲ အတွက် ပျော်ရွှင်နေသော သန်းရွှေ

မြန်မာစာလုံးများ

ဇော်ဂျီ အသွင်းပြောင်း ဆော့စ်ဝဲလ်လေးပါ

k
Zawgyi-One, Winn_Burmese အပါအဝင် ဖောင့် အမျိုးအစား (၁၆) မျိုး ပြောင်းနိုင်တဲ့၊ Install လုပ်စရာ မလိုတဲ့ Standalone ဖောင့်ပြောင်း ပရိုဂရမ်လေး ဖြစ်ပါတယ်။ ကွန်ပြူတာ စာစီစာရိုက် သမားတွေ၊ ဝဘ်ဆိုက် လုပ်ငန်းနဲ့ ပုံနှိပ် လုပ်ငန်းတွေ အတွက် အလွန် သုံးဝင်လှတဲ့ ပရိုဂရမ်လေးပါ။ တိုက်ရိုက် Download လုပ်လိုသူများ အပေါ်က KaNaung Icon လေးကို Click လုပ်ရုံပါပဲ။
 
/* EOT ----------------------------------------- */