မြန်မာနိုင်ငံ အဝေးရောက်အစိုးရ မွန်ဘိုင်း တိုက်ခိုက်မှုကို ရှုတ်ချ

သတင်း မုံပီး မဇ္ဈိမ | နယူးဒေလီ (မဇ္ဈိမ)။ ။ မွန်ဘိုင်းမြို့ကို အကြမ်းဘက်သမားများ တိုက်ခိုက်၍ လူပေါင်း ၁ဝဝ ကျော်သေပြီး၊ လူပေါင်း ၂ဝဝ ကျော် ဒဏ်ရာရခဲ့သည့် ဖြစ်ရပ်ကို မြန်မာနိုင်ငံ အဝေးရောက်အစိုးရဖြစ်သော ‘မြန်မာနိုင်ငံ အမျိုးသား ညွန့်ပေါင်းအစိုးရ’ (NCGUB) က ကြာသပတေးနေ့က ပြင်းထန်စွာ ရှုတ်ချလိုက်ပြီး ‘သူရဲဘောကြောင်၍ ရူးသွပ်သော လုပ်ရပ် ဖြစ်သည်’ ဟုလည်း ခေါ်ဆိုလိုက်ပါသည်။

နယူးဒေလီတွင် အခြေစိုက်သော NCGUB ဝန်ကြီးချုပ်ရုံးဝန်ကြီး ဒေါက်တာတင့်ဆွေ က “ဘယ်သူကဘဲ လုပ်လုပ်၊ အကြမ်းဘက်လုပ်ရပ် မှန်သမျှကို ကျနော်တို့ ရှုတ်ချပါတယ်။ အကယ်၍ ဒီလို တိုက်ခိုက်မှုဟာ နိုင်ငံရေးစေ့ ဆော်ချက်ကြောင့် လုပ်တာဆိုရင်လဲ ဒါဟာ သူရဲဘောကြောင်တာနဲ့ ရူးသွပ်တဲ့ လုပ်ရပ်ဘဲ ဖြစ်ပါတယ်” ဟု ပြောဆိုသွားပါသည်။

အိန္ဒိယနိုင်ငံ၏ စီးပွါးရေး မြို့တော်ဖြစ်သော မွန်ဘိုင်းမြို့၏ အနည်းဆုံး ၁ဝ နေရာတွင် အကြမ်းဘက်သမားများက သီးခြားစီ တိုက်ခိုက်မှုများ ပြုလုပ်ခဲ့ကြပြီး ရဲတပ်ဖွဲ့ဝင် ၁၄ ဦး အပါအဝင် အနည်းဆုံးလူပေါင်း ၁ဝဝ သေဆုံးခဲ့ရပြီး၊ လူပေါင်း ၂ဝဝ ဒဏ်ရာ ရရှိစေခဲ့ပါသည်။

အေကေ ၄၇ သေနတ်များ၊ လက်ပစ်ဗုံးများ နှင့် အသေးစားဗုံးများ ကိုင်ဆောင်ထားသည့် အကြမ်းဖက်သမား များသည် မွန်ဘိုင်းမြို့၏ လူသူအရှုပ်ထွေးဆုံး၊ ခမ်းနားထည်ဝါဆုံး၊ သက်တမ်း နှစ်တရာကျော်ရှိ ချာတရာပါတီ ရှီးဗားဂျီး ဘူတာ (CST) ယခင် ဝိတိုရိယဘူတာ၊ တာ့ခ်ျပဲလေ့စ်ဟိုတယ် (Taj Palace Hotel) နှင့် ထရိုင်းဒင့် ဟိုတယ် (Trident Hotel) တို့ကို ဝင်ရောက်စီးနင်း တိုက်ခိုက်ခဲ့ကြပါသည်။ ထိုဟိုတယ် ၂ ခုစလုံးတွင် နိုင်ငံခြားသား ခရီးသွားများ တည်းခိုနေထိုင်လျက် ရှိကြပါသည်။

သတင်းပေးပို့ချက်များအရ အဆိုပါ အကြမ်းဘက်သမားများသည် ဗုဒ္ဓဟူးနေ့ ညကတဲက စတင် တိုက်ခိုက်ခဲ့ ကြပြီး ထရိုင်းဒင့် ဟိုတယ်ထဲတွင် ကြာသပတေးနေ့က ဓါးစာခံအနည်းဆုံး ၃ဝ ခန့်နှင့်အတူ နေရာယူ ခိုအောင်း နေခဲ့ကြပြီး၊ တာ့ခ်ျဟိုတယ်ထဲတွင်လည်း တည်းခိုနေသူ ဧည့်သည် ၂ဝဝဝ ခန့်အထဲတွင် ထွက်မရဘဲ သောင်တင်လျက် ရှိပါသည်။

ဤအကြမ်းဘက်သမားအုပ်စုက မည်သည့် တောင်းဆိုချက်မျှ မပြုလုပ်သေးသော်လည်း ဤတိုက်ခိုက်မှုသည် သူတို့ လက်ချက်ဖြစ်သည်ဟု အရင်မကြားဖူးသော ‘ဒက်ကန်မူဂျာဟီဒင်’ (Deccan Mujahideen) ဆိုသည့် အုပ်စုက ပြောဆိုလိုက်သည်ဟု သတင်းများက ဆိုပါသည်။ ယခင်ကလည်း ဂျူလိုင်လအတွင်းက အာမီဒါဘတ် (Ahmedabad) တွင် ဖြစ်ပွါးခဲ့သော ဗုံး ၂၁ လုံးပေါက်ကွဲ၍ လူပေါင်း ၅၆ ဦး သေဆုံးခဲ့ရသော ဖြစ်ရပ် အပါအဝင် နိုင်ငံတဝှမ်း ဖြစ်ပွါးခဲ့သော ဗုံးပေါက်ကွဲမှုများကို ‘အိန္ဒိယ မူဂျာဟီဒင်’ ဆိုသည့်အဖွဲ့က သူတို့လက်ချက်ဖြစ်ကြောင်း ပြောဆိုခဲ့ပါသည်။

ဤသတင်းရေးသားချိန်အထိ တာ့ခ်ျဟိုတယ်ထဲတွင် အနည်းဆုံး အကြမ်းဘက်သမား ၅ ဦးမှ ၇ ဦးထိ ဆက်လက် နေရာ ယူခိုအောင်းလျက်ပင်ရှိပြီး၊ ထရိုင်းဒင့် ဟိုတယ်ထဲတွင်မူ အနည်းဆုံးဓါးစာခံ ၃ဝ ကို ဖမ်းဆီးထားသည်ဟု အိန္ဒိယရုပ် မြင်သံကြားလိုင်း (NDTV) က သတင်းဖေါ်ပြပါသည်။

ဤဖြစ်ပွါးခဲ့သော သေနတ်ကိုင် တိုက်ပွဲများတွင် ရဲတပ်ဖွဲ့ဝင် ၁၄ ဦး သေဆုံးခဲ့ပြီ ဖြစ်ပြီး၊ ထိုအထဲတွင် ရဲအရာရှိ ကြီးများ ဖြစ်ကြသော မဟာရာ့ခ်ျထရာပြည်နယ် အကြမ်းဘက်မှု နှိမ်နင်းရေးတပ်ဖွဲ့ (ATS) အကြီးအကဲ ဟီးမင့် ကာကာရီ (Hemant Karkare) ၊ လက်ထောက်ရဲမင်းကြီး အရှုပ်ကမ်တေး (Ashok Kamte) ၊ နှင့် ရင်ဆိုင် တိုက်ပွဲ ကျွမ်းကျင်သူ (encounter specialist) ဗီဂျေးဆာလပ်စ်ကာ (Vijay Salaskar) တို့လည်း ပါဝင်ပါသည်။

အိန္ဒိယနိုင်ငံတွင် အခြားနိုင်ငံ အများအပြားကဲ့သို့ပင် သူတို့တွင်လည်း ပြဿနာပေါင်းစုံ၊ ပဋိပက္ခပေါင်းစုံ ရှိကြ သော်လည်း ဤသို့ အကြမ်းဘက်လုပ်ရပ်နှင့် အကြမ်းဘက် တိုက်ခိုက်မှုများ လုပ်သည်မှာမူ လက်ခံနိုင်ဘွယ် မရှိကြောင်းဖြင့် ဒေါက်တာတင့်ဆွေက ပြောပါသည်။

“အဖွဲ့အစည်းတွေမှာ အယူဝါဒမျိုးစုံ ရှိကြပြီး၊ နိုင်ငံတိုင်းမှာ ကိုယ်စီပဋိပက္ခတွေ ရှိကြတယ်ဆိုတာ နားလည်နိုင် ပါတယ်။ ဒါပေမဲ့ ဒါကို ဖြေရှင်းဘို့ အကြမ်းဘက်တဲ့ နည်းကို သုံးတာတော့ လက်မခံနိုင်ပါဘူး” ဟု ဒေါက်တာ တင့်ဆွေက ပြောကြားသွားပြီး ဤတိုက်ခိုက်မှုတွင် သေဆုံးဒဏ်ရာ ရခဲ့သူများအတွက်လည်း စိုးရိမ်ပူပန်ကြောင်း နှင့် သူတို့နှင့်အတူ သွေးစည်း ညီညွတ်မှု အပြည့်ရှိပါကြောင်းလည်း ပြောဆိုသွားခဲ့ပါသည်။

ဤသို့ တိုက်ခိုက်မှုကို ရှုတ်ချပြစ်တင်ခဲ့သလို ဒေသတွင်းတွင် အကြမ်းဘက်မှုမှာ လျင်မြန်စွာ ပျံ့နှံ့နေပြီး အိန္ဒိယ အပါအဝင် အစိုးရများ အနေဖြင့် ဤကိစ္စကို အရေးအကြီးဆုံး ကိစ္စတရပ်အဖြစ် သဘောထား ကိုင်တွယ် ရမည် ဖြစ်ကြောင်းလည်း ဒေါက်တာတင့်ဆွေက ပြောဆိုသွားပါသည်။

“ကျနော်တို့ လွန်ခဲ့တဲ့ လအနည်းငယ်၊ ဒါမှမဟုတ် တနှစ်လောက်အထိကို ပြန်ကြည့်ရင် အိန္ဒိယနိုင်ငံ တဝှမ်းမှာ ဗုံးပေါက်ကွဲမှုတွေ အများကြီးဖြစ်ခဲ့တာ တွေ့ရမှာပါ။ အလားတူဘဲ အိန္ဒိယနိုင်ငံရဲ့ အိမ်နီးချင်းနိုင်ငံဖြစ်တဲ့ မြန်မာ နိုင်ငံမှာနဲ့ တောင်အာရှနဲ့ အရှေ့တောင်အာရှ နိုင်ငံတွေမှာလည်း ဗုံးပေါက်ကွဲမှုတွေ ဖြစ်ခဲ့ပါတယ်” ဟု ဒေါက်တာ တင့်ဆွေက ပြောပါသည်။

“ဒါကိုကြည့်ရင် အကြမ်းဘက် တိုက်ခိုက်မှုတွေဟာ အခုလတ်တလောမှာ လမ်းကြောင်းကြီးတခုလို ဖြစ်လာ နေတယ်၊ ဒါကြောင့် အစိုးရတွေ အနေနဲ့ ဒီကိစ္စကို အရေးအကြီးဆုံးကိစ္စအဖြစ် သဘောထား ဖြေရှင်းသင့် ပါတယ်” ဟု သူက ဆက်လက် ပြောဆိုသည်။

ယမန်နှစ်အတွင်း ဗုံးပေါက်ကွဲမှု အများအပြား ဖြစ်ပွါးခဲ့သည့် အိန္ဒိယနိုင်ငံကဲ့သို့ပင်၊ မြန်မာနိုင်ငံတွင်လည်း လွန်ခဲ့သော နှစ်အတွင်း ဗုံးပေါက်ကွဲမှုများစွာ ဖြစ်ပွါးခဲ့ပြီး၊ ဗုံးဖောက်ခွဲသူများသည် မြို့တော်ဟောင်း ရန်ကုန်ကို အဓိကပစ်မှတ်ထား တိုက်ခိုက်ခဲ့ကြပါသည်။

နောက်ဆုံး ဗုံးပေါက်ကွဲမှုမှာ ရွှေပြည်သာ မြို့နယ်အတွင်းရှိ အိမ်တအိမ်တွင် အောက်တိုဘာ ၁၉ ရက်နေ့က ဖြစ်ပွါးခဲ့ပြီး၊ လူတဦး သေဆုံးခဲ့ပါသည်။ အစိုးရက ဤသေဆုံးသူသည် ဗုံးဖောက်ခွဲသူ ကိုယ်တိုင်ပင်ဖြစ်ကြောင်း ပြောဆိုခဲ့သည်။ ရန် ကုန်မြို့တွင် စက်တင်ဘာလတလထဲ၌ ဗုံးပေါက်ကွဲမှုပေါင်း ၄ ကြိမ်ဖြစ်ပွါးခဲ့ပြီး၊ အနည်းဆုံးလူ ၇ ဦး ထိခိုက် ဒဏ်ရာရခဲ့သည်။

သို့သော် မြန်မာနိုင်ငံကို ၁၉၆၂ ခုနှစ်ကတဲက တင်းကြပ်စွာ အုပ်ချုပ်လာခဲ့သော စစ်အစိုးရကမူ ဤပေါက်ကွဲမှု အားလုံးအတွက် အတိုက်အခံ အဖွဲ့အစည်းများကိုသာ လက်ညှိုးထိုး စွပ်စွဲလေ့ ရှိပါသည်။ ထိုအတိုက်အခံ အဖွဲ့အစည်းများတွင် နိုဘယ်ဆုရှင် ဒေါ်အောင်ဆန်းစုကြည် ခေါင်းဆောင်သည့် အမျိုးသား ဒီမိုကရေစီ အဖွဲ့ချုပ် (NLD) အဖွဲ့ဝင်များ၊ နယ်စပ် အခြေစိုက် ကိုယ်ပိုင်ပြဌာန်းခွင့်အတွက် တိုက်ပွဲဝင်နေကြသော တိုင်းရင်းသား လက်နက်ကိုင်တပ်ဖွဲ့များ ပါဝင်ပါသည်။

ဤသို့ အကြမ်းဘက် တိုက်ခိုက်မှုများကို ရှုတ်ချပြောဆိုလိုက်သော်လည်း အိန္ဒိယနိုင်ငံ၏ သတင်းစာ လွတ်လပ်ခွင့် ကိုမူ ဒေါက်တာတင့်ဆွေက ချီးကျူး ပြောဆိုလိုက်ပါသည်။ ဤသို့ လွတ်လပ်မှုရှိသဖြင့် ပြည်သူလူထု အနေဖြင့် အခင်းဖြစ်ပွါးရာ နေရာမှ သတင်းများ၏ နောက်ဆုံး အခြေအနေများကို အချိန်မီ သိရှိနေရသည်ဟု ဆိုပါသည်။

“မြန်မာနိုင်ငံနဲ့ မတူတာက အိန္ဒိယမှာ သတင်းစာ လွတ်လပ်ခွင့်ရှိတော့ မီဒီယာက ဘာဖြစ်နေတယ်ဆိုတာ အသေးစိတ် ပြည့်ပြည့်စုံစုံ ရေးလို့ပြောလို့ ရတယ်။ မြန်မာနိုင်ငံမှာတော့ သတင်းမှောင်ချထားတော့ ဗုံးပေါက်ကွဲမှု နှင့် ပတ်သက်တဲ့ သတင်းတွေကို ပြည်သူလူထု လက်လှမ်းမမီကြဘူး” ဟု ဒေါက်တာတင့်ဆွေက ဆက်လက် ပြောဆိုပါသည်။