ကုလ ညီလာခံက မြန်မာ့အရေး ဆုံးဖြတ်ချက်ကို ထောက်ခံ

သတင်း မဇ္ဈိမ | ချင်းမိုင်။ ။ မြန်မာနိုင်ငံတွင် ဖြစ်ပေါ်နေသော လူ့အခွင့်အရေး အခြေအနေများနှင့် စပ်လျဉ်းသည့် ဆုံးဖြတ်ချက် မူကြမ်းတရပ်ကို ကုလ အထွေထွေညီလာခံ တတိယကော်မတီက ရှည်ကြာစွာ အချေအတင် ဆွေးနွေးပြီးနောက် သောကြာနေ့က ထောက်ခံ အတည်ပြုလိုက်သည်။

ကုလသမဂ္ဂ၏ လူမှုရေး၊ လူသားချင်း စာနာရေးနှင့် ယဉ်ကျေးမှု ကော်မတီက မြန်မာနိုင်ငံတွင်း လူ့အခွင့်အရေး အခြေအနေ နှင့် အဆိုပါ လူ့အခွင့်အရေး ချိုးဖောက်မှုများကို အာဏာပိုင်များက တားဆီးဆန့်ကျင်လိုစိတ် ကင်းမဲ့ခြင်းတို့ကို ဝေဖန် ထားသည့် ဆုံးဖြတ်ချက်ဖြစ်ကာ ထောက်ခံမဲ ၈၉ မဲ၊ ကန့်ကွက်မဲ ၂၉ မဲ၊ ကြားနေမဲ ၆၃ မဲဖြင့် အတည်ပြုလိုက်ခြင်း ဖြစ်သည်။

ဆွေးနွေးပွဲသည် မြန်မာ့အရေးအပေါ် အဖွဲ့ဝင်နိုင်ငံများ၏ လူ့အခွင့်အရေးများအပေါ်၊ ကုလကြီး၏ လုပ်ကိုင်ပုံ နည်းစနစ်များ အပေါ် ကွဲပြားခြားနားနေမှုများကို သရုပ်ဖေါ်လိုက်ခြင်းလည်း ဖြစ်သည်။

ဤဆုံးဖြတ်ချက်ကို ဥရောပသမဂ္ဂအဖွဲ့ဝင် ၂၇ နိုင်ငံလုံးအပြင် အမေရိကန်၊ ကနေဒါ၊ သြစတြေးလျား၊ နယူးဇီလန် အပါအဝင် အခြားနိုင်ငံများနှင့်အတူ ထောက်ခံခဲ့ကြသည်။

ထူးခြားသည်မှာ အာရှနိုင်ငံ ၇ နိုင်ငံကသာ အဆိုပါမူကြမ်းကို ထောက်ခံခဲ့ကြပြီး၊ မြန်မာနိုင်ငံ၏ အိမ်နီးချင်း နိုင်ငံများနှင့် အာဆီယံ အဖွဲ့ဝင်နိုင်ငံများမှ မည်သည့်နိုင်ငံကမျှ မထောက်ခံခဲ့ပေ။ ဘင်္ဂလားဒေ့ရှ်၊ ဘရူနိုင်း၊ တရုတ်၊ အိန္ဒိယ၊ လာအို၊ မလေးရှား၊ ဗီယက်နမ်တို့က ကန့်ကွက်ခဲ့ကြပြီး၊ အင်ဒိုနီးရှား၊ စင်္ကာပူ၊ ဖိလစ်ပိုင်၊ ထိုင်းနိုင်ငံတို့က ကြားနေခဲ့ကြပြီး၊ ကမ္ဘောဒီးယားနိုင်ငံက မတက်ရောက်ဘဲ ပျက်ကွက်ခဲ့သည်။

ဖိလစ်ပိုင်၏ ဤဆုံးဖြတ်ချက်တွင် ကြားနေမဲထည့်ခဲ့ခြင်းမှာ ယခုသီတင်းပတ်ကုန် ရက်ပိုင်းက အမေရိကန် နိုင်ငံခြားရေးဝန်ကြီး ကွန်ဒိုလီဇာရိုက်စ် (Condoleezza Rice) က မြန်မာနိုင်ငံအပေါ် ထားရှိသည့် အမေရိကန် နိုင်ငံ၏ မူဝါဒကို ထောက်ခံသည့် အာရှနိုင်ငံတခုအဖြစ် ဖိလစ်ပိုင်ကို ချီးကျူးပြောဆိုခဲ့ပြီး ရက်ပိုင်းအကြာတွင် ပေါ်ထွက်ခဲ့ခြင်း ဖြစ်သည်။

ဂျပန်၊ မွန်ဂိုလီးယား၊ တောင်ကိုရီးယားနှင့် ကာဇတ်စတန်တို့အပြင် ဤဆုံးဖြတ်ချက်ကို ထောက်ခံခဲ့သည့် အခြား အာရှနိုင်ငံ ၃ နိုင်ငံမှာ အမေရိကန် သို့မဟုတ် သြစတြေးလျား၏ သိသာထင်ရှားသော ပြင်ပစွက်ဖက်မှု အထင်အရှား ရှိနေသည့် အာဖဂန်နစ္စတန်၊ အီရတ်နှင့် တီမော (Timor-Leste) တို့ ဖြစ်သည်။

ကော်မတီအစည်းအဝေးသို့ တက်ရောက်လာသည့် မြန်မာကိုယ်စားလှယ်အဖွဲ့က ဤဆုံးဖြတ်ချက် အဆိုကို ထောက်ခံခဲ့ကြသည့် နိုင်ငံများအား ပြင်းထန်သော စကားလုံးများ သုံးစွဲ၍ တုံ့ပြန်ပြောကြားခဲ့သည်။ မြန်မာနိုင်ငံ အနေဖြင့် မဲခွဲဆုံးဖြတ်ချက်အတိုင်း လိုက်နာဆောင်ရွက်ရန် တာဝန်မရှိကြောင်းဖြင့် လူသိရှင်ကြား ပြောဆိုသွားသည်။

"အဆိုကို ဆန့်ကျင်ကန့်ကွက်မှု မရှိဘဲ လက်ခံလိုက်လျှင် ဖွံ့ဖြိုးဆဲ နိုင်ငံအားလုံးအတွက် အလွန် အန္တရာယ်ကြီးသော အစဉ်အလာတရပ် ဖြစ်သွားလိမ့်မည်" ဟု သူက သတိပေး ပြောကြားခဲ့သည်။ ဆုံးဖြတ်ချက်သည် အမျိုးသား အချုပ်အခြာအာဏာအပေါ် ကျူးကျော်စော်ကားရန် ကြိုးပမ်းချက်တရပ်ဖြစ်ပြီး၊ အဖွဲ့ဝင် နိုင်ငံတနိုင်ငံ၏ ပြည်တွင်းရေးတွင် တိုက်ရိုက် ဝင်ရောက်စွက်ဖက် နှောင့်ယှက်သည့် လုပ်ရပ်လည်း ဖြစ်သည်ဟု သူက ဆိုသည်။

ထို့နောက် မြန်မာကိုယ်စားလှယ်က တင်ပြသည့် အရေးမယူရေး အဆိုကို မဲခွဲရာ ကန့်ကွက်မဲ ၉ဝ မဲ၊ ထောက်ခံမဲ ၅၄ မဲ၊ ကြားနေမဲ ၃၄ မဲဖြင့် အဆို ရှုံးနိမ့်သွားခဲ့သည်။

အဆိုမူကြမ်းကို မထောက်ခံရန် ဆုံးဖြတ်ခဲ့သည့် နိုင်ငံများက လူ့အခွင့်အရေးကိစ္စကို နိုင်ငံရေးကိစ္စဖြစ်အောင် လုပ်သည်၊ မြန်မာအာဏာပိုင်များ၏ ပြည်တွင်းတွင် တိုးတက်မှုရအောင် ဆောင်ရွက်ချက်များကို အလေးဂရုမပြု၊ ဤနေရာတွင် နိုင်ငံတခုချင်းအလိုက် ဆုံးဖြတ်ချက်များ လာရောက် ချမှတ်နေခြင်းသည်လည်း သင့်တော်မှုမရှိ၊ ဤကိစ္စအတွက် ပြောဆိုလိုလျှင် လူ့အခွင့်အရေးကောင်စီသည်သာ အမှန်တကယ် စစ်မှန်သည့် ဆွေးနွေးရန် စင်မြင့်တရပ်ဖြစ်သည်ဟု သူတို့သဘောထားများကို ထုတ်ဖော် ပြောဆိုခဲ့ကြသည်။

ဥရောပသမဂ္ဂကိုယ်စား ယခုလို အရေးယူဆောင်ရွက်မှုကို ဦးဆောင်တင်သွင်းခဲ့သည့် ပြင်သစ်နိုင်ငံကမူ ဤ အဆိုစာသားသည် နိုင်ငံတကာ အသိုင်းအဝိုင်းအကြား ပိုမို နားလည် သဘောပေါက်စေရန် ရည်ရွယ်ထားပြီး၊ ဤ အရှေ့တောင်အာရှ နိုင်ငံတွင်းတွင် လူ့အခွင့်အရေး ဆက်လက် ချိုးဖောက်နေမှုများကို သိရှိစေရန်နှင့် "ဘက်ပေါင်းစုံ မှ အရေးယူလာနိုင်စေရေး လှုံ့ဆော်ရန် ကြိုးပမ်းချက်တရပ်" ဖြစ်သည်ဟု ပြောကြားခဲ့သည်။

ပြင်သစ်နိုင်ငံ ကိုယ်စားလှယ်က တွေ့ဆုံဆွေးနွေးပွဲ ပြုလုပ်ပါရန်နှင့် လူ့အခွင့်အရေးကိစ္စများတွင် ကုလသမဂ္ဂ ယန္တရားနှင့် အပြည့်အဝ ပူးပေါင်းပါဝင်ဆောင်ရွက်ရန်လည်း မြန်မာစစ်အစိုးရကို တောင်းဆိုလိုက်သည်။

မေလတွင် အတည်ပြုခဲ့သော ဖွဲ့စည်းပုံ အခြေခံဥပဒေသည်လည်း တိုင်းပြည်တွင်း၌ လူ့အခွင့်အရေးနှင့် မူလအခွင့်အရေးများအတွက် အာမခံပေးထားခြင်းလည်း မရှိဟု အဆိုပါ ကိုယ်စားလှယ်က ဆက်လက် ပြောဆိုခဲ့သည်။ "လွန်ခဲ့သော တနှစ်က ငြိမ်းချမ်းစွာ ဆန္ဒပြသူများကို ဖိနှိပ်နှိမ်နင်းခဲ့သူများအား တရားစွဲဆို အရေးယူရန် ကြိုးပမ်းအားထုတ်မှုလည်း မရှိခဲ့ပါ" ဟု ဆိုထားသည်။

အိန္ဒိယနိုင်ငံ ကိုယ်စားလှယ်ကမူ မိမိတို့အနေဖြင့် လူ့အခွင့်အရေး၏ အရေးပါအရာရောက်မှုကို အမြဲတစေ အသိအမှတ်ပြုခဲ့ကြောင်း ယင်းတို့ မဲပေးသည့်ကိစ္စအပေါ် ရှင်းလင်းပြောကြားရာတွင် ပထမဆုံး ထုတ်ဖော် ပြောဆိုခဲ့သည်။ သို့သော် ဤဆုံးဖြတ်ချက်သည် "ရှေ့ကို မျှော်မြင်မှု" ကင်းမဲ့ခြင်းနှင့် ထိပ်တိုက်တွေ့သည့် ချဉ်းကပ်မှုကြောင့် ကန့်ကွက်မဲ ပေးခဲ့ရကြောင်း ပြောဆိုသည်။

လွန်ခဲ့သော တနှစ်အတွင်း မြန်မာအစိုးရ၏ အပြုသဘောဆောင်သည့် ခြေလှမ်းများကိုလည်း ကော်မတီ အနေဖြင့် အသိအမှတ် ပြုစေလိုကြောင်း ပြောဆိုသွားခဲ့သည်။ အင်ဒိုနီးရှားနှင့် ဂျပန်ကလည်း အလားတူ သဘောထားအတိုင်း ပြောဆိုသည်။ ဂျပန်နိုင်ငံကမူ အဆိုမူကြမ်းကို နောက်ပိုင်းတွင် ထောက်ခံမဲ ပေးခဲ့သည်။

အယူအဆရေးရာ၊ ဖွံ့ဖြိုးမှုဆိုင်ရာနှင့် အကျိုးစီးပွားများ ကွဲပြားမှုကို နိုင်ငံတကာအဆင့်တွင် နောက်တကြိမ် သောကြာနေ့က မြင်တွေ့ခဲ့ကြသည်။ လူ့အခွင့်အရေးကိစ္စကို ဝေဖန်ပြစ်တင်သည့် အဆိုကို ကော်မတီတွင် တင်ပြခြင်းသည် တဘက်သတ် ခြိမ်းခြောက် အကျပ်ကိုင်သည့် လုပ်ရပ်ဖြစ်ပြီး၊ "နိုင်ငံတကာ ဥပဒေနှင့် ကုလသမဂ္ဂ ပဋိညာဉ်စာတမ်းကို ချိုးဖောက်ခြင်းဖြစ်ပြီး၊ စီးပွားရေး ဖွံ့ဖြိုးတိုးတက်မှုအတွက် အနှုတ် လက္ခဏာ ဆောင်သည့် နောက်ဆက်တွဲ အကျိုးဆက်များကိုသာ ရရှိစေလိမ့်မည်" ဟုလည်း အဆိုပါ အဆိုတွင် ဖော်ပြထားသည်။

ဤအဆိုကို ထောက်ခံမဲ ၁၂၄ မဲ၊ ကန့်ကွက်မဲ ၅၂ မဲဖြင့် အတည်ပြုခဲ့ပါသည်။ အာဆီယံနိုင်ငံများအားလုံး၊ တရုတ်၊ အိန္ဒိယနှင့် ရုရှတို့က ထောက်ခံခဲ့ကြပြီး၊ ဥရောပသမဂ္ဂ၊ အမေရိကန်၊ ကနေဒါ၊ သြစတြေးလျားနှင့် ဂျပန်က အခြားနိုင်ငံများနှင့်အတူ အဆိုကို ကန့်ကွက်ခဲ့ကြသည်။